Паліцыя засылае ў мафію свайго агента. У сваю чаргу, крымінальны бос мае сярод паліцэйскіх свайго інфарматара. Адступнікі мусяць вылічыць і зьнішчыць адзін аднаго...
Адступнікі (The Departed).
ЗША, 2006, каляровы, 149 хв.
Жанр: крымінальны трымценьнік.
Адзнака: 6,5 (з 10).
Паліцыя засылае ў мафію свайго агента. У сваю чаргу, крымінальны бос мае сярод паліцэйскіх свайго інфарматара. Адступнікі мусяць вылічыць і зьнішчыць адзін аднаго...
Хоць карціна «Адступнікі» – паўтор ганконскае стужкі «Падвойная ракіроўка» – гэта тыповы фільм Скарсэзэ з апантанай акторскай ігрой і цікавасьцю да нэрвовае трансцэндэнцыі.
Кожны з герояў – адступнік для сваёй сям’і. Білі Костыган ірве з крымінальнымі сваякамі, каб працаваць на паліцыю, а Колін Саліван зь бездакорнай рэпутацыяй – найлепшы агент мафіі. Спроба вырвацца з асяродзьдзя завяршаецца гвалтам, кулямі й расстрэлам.
Акторы ў фільмах Скарсэзэ пераўзыходзяць самі сябе. Ды Капрыё грае ў рэжысэра найлепшыя свае ролі («Авіятар», «Банды Нью-Ёрку»), а ягоны Білі Костыган – нэрвовы, зацкаваны, зь неадольнаю прагай сарваць зь сябе абрыдлую маску. Мэт Дэйман – хлус-канфарміст з геніяльнай фінальнай фразай.
А што да Джэка Нікалсана, дык мафіёзнага боса ніхто б не сыграў лепей ад галівудзкага блазна-спакушальніка.
На працягу амаль трох гадзінаў ад экрану немагчыма адарвацца. Але для Скарсэзэ – карціна занадта рамесьніцкая. А для масавае публікі – занадта глыбокая й цынічная.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары