Оскараўскі фільм «Кароль гаворыць!» з Колінам Фёртам і Джэфры Рашам
«Кароль гаворыць!» (The King’s Speech)
Вялікабрытанія — ЗША — Аўстралія, 2010, каляровы, 118 хв.
Рэжысёр: Том Гупэр
Ролі выконваюць: Колін Фёрт, Джэфры Раш, Гелэна Бонэм-Картэр, Дэрэк Якабі, Робэрт Портэл, Роджэр Гэманд
Жанр: Гісторыка-біяграфічная драма па сцэнару Дэйвіда Сэйдлера
Прызы: «Оскар» за лепшы фільм, лепшую рэжысуру, лепшага галоўнага акцёра, лепшы сцэнар
Адзнака: 7 (з 10)
Прынц Альберт заікаецца, і яму цяжка выконваць свае прадстаўнічыя абавязкі. Лекары не дапамагаюць. Прынц звяртаецца да лагапеда Лаянэла Лога, у якога свае неартадаксальныя метады. Але сітуацыя ўскладняецца: неўзабаве Альберт мусіць стаць каралём.
Карціна Тома Гупэра — стрыманы біяграфічны фільм. У стужцы няма дзікіх скандалаў і трызненняў, няма абавязковых псіхааналітычных корпанняў, празмернага пафасу і залімітнай меладраматычнай раскошы.
Фільм — гісторыя каралеўскага сяброўства, разыграная Колінам Фёртам і Джэфры Рашам. Абодвум акторам няма патрэбы выкарыстоўваць танныя эфекты, шакаваць публіку й корпацца ў бруднай бялізне (хаця ў Джэфры Раша ёсць досвед маркіза дэ Сада).
Амерыканскі фільм распавядае пра тайну каралеўскай улады. Брытанскія каралі царуюць, але не кіруюць, нават тэксты, якія яны прамаўляюць — чужыя. Але ёсць каралеўскі голас. На пачатку карціны гэты голас збіваецца, дрыжыць, заікаецца. Напрыканцы — ён загучыць гучна й ясна. Паміж гэтымі падзеямі — старанная праца, цяжкія абавязкі — і сяброўства.
Жыве кароль!
Цяпер чытаюць
Што Бабарыка і Калеснікава адказалі на пытанні пра вайну88
Каментары