«Прыватная ўласнасць» — фестывальная сямейная драма з Ізабэль Юпэр пра сямейныя цяжкасці.
Прыватная ўласнасць (Nue propriété)
Бельгія — Люксембург — Францыя, 2006, каляровы, 95 хв.
Рэжысёр: Яхім Лафос
Ролі выконваюць: Ізабэль Юпэр, Жэрэмі Рэн’е, Янік Рэн’е, Крыс Купенс, Патрык Дэкамп
Жанр: Драма
Прэміі: Намінацыя на «Залатога ільва» Венецыянскага кінафэсту
Адзнака: 4,5 (з 10)
Разведзеная Паскаль жыве ў вялікім доме з двума сынамі-пераросткамі. Бацька адкупаецца ад сыноў, маці збіраецца сысці з палюбоўнікам і прадаць дом, а сыны кпяць з уласнае маці. У раскіданым сямейным гняздзе выспявае трагедыя…
Карціна Яхіма Лафоса — нуднаватая фестывальная драма пра эгаізм, інфантыльнасць і заняпад сям’і. Глыбокадумна-доўгія планы, чвяканне падчас сямейных сняданкаў, вострыя сцэны, пакінутыя за кадрам, няспешна распавядаюць пра пабытовае сямейнае пекла.
У гэтым пекле ніхто нікога не чуе, кожны сам за сябе, а замест любові — матэрыяльная залежнасць. Фільм пазбягае сатыры, хаця французскае кіно на сатыру багатае, а сама стужка дае нагоду для гэтага. Фільм стрымана-сур’ёзны, амаль аскетычны, а Ізабэль Юпэр у галоўнае ролі мае непазнавальна-сцёрты твар. Карціна ўрачыста намякае на вядомую біблейскую трагедыю з кнігі Быцця, але гэта не ратуе фільм ад банальнасці.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары