Нядзеля герояў
Шэдэўр Чжана Імоў, у якім скандэнсаваныя ўсе дасягненьні кітайскага кіно – і ўся імпэрская веліч Паднябёснай. Кожны колер – на сваю гісторыю (апэратар Крыстафэр Дойл), каліграфічныя мэдытацыі баёў, і чалавечы лёс – як драбнютка дзяржаўнага гіерогліфу.
Герой (Ying xiong)
Кітай, 2002, каляровы, 99 хв.
Рэжысэр: Чжан Імоў
Ролі выконваюць: Джэт Лі, Доні Йен, Мэгі Чун, Тоні Люн, Цзыі Чжан
Жанр: Гісторыка-філязофская драма, мэтафізычны ўсходні баявік
Адзнака: 9,5 (з 10)
Кітай наконадні аб’яднаньня ў імпэрыю. Для кіраўніка краіны сур’ёзную небясьпеку ўяўляюць наёмныя забойцы “Зламаны меч”, “Вялікае неба” і “Лятучы сьнег”.
Але аднойчы да імпэратара прыходзіць герой без імені, які распавядае, што зьнішчыў ворагаў імпэратара. Але ёсьць яшчэ адзін вораг – і схаваная пастка для кожнага.
Шэдэўр Чжана Імоў, у якім скандэнсаваныя ўсе дасягненьні кітайскага кіно – і ўся імпэрская веліч Паднябёснай. Кожны колер – на сваю гісторыю (апэратар Крыстафэр Дойл), каліграфічныя мэдытацыі баёў, і чалавечы лёс – як драбнютка дзяржаўнага гіерогліфу.
Намінацыі на прэміі “Залаты мядзьведзь”, “Оскар”, “Залаты глёбус”.
Чэрчыль ідзе на вайну! (Churchill: The Hollywood Years)
Вялікабрытанія, 2004, каляровы, 84 хв
Рэжысэр: Пітэр Рычардсан
Жанр: Іранічная камэдыя
Ролі выконваюць: Джон Кулшоў, Крыстыян Слэйтэр, Рамані Малка, Ніў Кэмпбэл, Міранда Рычардсан, Вік Рыўз
Адзнака: 6 (з 10)
У Галівудзе вырашаюць экранізаваць жыцьцё Ўінстана Чэрчыля. Але брытанскі прэм’ер выглядае для прадусараў занадта “габарытна”. На ролю Чэрчыля запрашаюць прыгажуна-супэрмэна (Крыстыян Слэйтэр).
Сусьветная гісторыя… у галівудзкім стылі. Псыхапат Гітлер, які заляцаецца да прынцэсы Элізабэты, нацысты ў Букінгемскім палацы – і амэрыканскі зух Чэрчыль, які дае дыхту ўсім ворагам...
Цяпер чытаюць
Як жыве Алесь Мухін, вядомы знаўца «Што? Дзе? Калі?»8
Каментары