22 лютага на
Арганізатары акцыі «Дзень радасці» вырашылі зладзіць вандроўку дзеткам з Івянецкага дому-інтэрнату ў менскі цырк. Дзеля гэтага і задуманы дабрачынны канцэрт-аўкцыён, які пройдзе ў менскай «Арт-сядзібе». Акцыю падтрымалі Паліна Рэспубліка, Зьміцер Вайцюшкевіч, гурты BosaeSonca і Recha.
Аспірант гістарычнага факультэта Іван Бачарэнка ўжо каля 10 гадоў займаецца дабрачыннасцю. Разам з сваімі паплечнікамі з арганізацыі «Стань бліжэй» ён ладзіць канцэрты і збірае сродкі для адпачынку дзетак з дамоў-інтэрнатаў. Нядаўна дзеткі з Асіповічаў атрымалі магчымасць наведаць дэльфінарый і цырк у Мінску. Цяпер Ігар хоча сабраць сродкі для Івянецкага дома-інтэрната, каб зладзіць вандроўку ў цырк.
«Неабходна недзе каля двух мільёнаў рублёў, каб набыць квіткі, забяспечыць праезд і харчаванне», —кажа Ігар. Раней падобныя канцэрты ён ладзіў у сценах Беларускага дзяржаўнага ўнівэрсітэта прыблізна два разы на год. Цяпер ён вырашыў выйсьці за межы навучальнай установы і зрабіць «Дзень радасці» ў «Арт-сядзібе».
«Не ведаю, ці ўдасца сабраць сродкі выключна з канцэрта. Будзем спрабаваць прыцягваць да гэтай справы яшчэ спонсарскія арганізацыі. Але робім акцыю яшчэ і дзеля таго, каб распавесці моладзі пра тое, што існуе такая праблема: не заўжды дзеці маюць магчымасьць схадзіць у той жа цырк і мараць пра такую вандроўку», — зазначае Ігар.
Акцыю «Дзень радасці» падтрымалі Паліна Рэспубліка, Зміцер Вайцюшкевіч, гурты BosaeSonca і Recha. Весьці канцэрт будзе Валярына Кустава.Падчас выступаў музыкаў
будзе праводзіцца аўкцыён, дзе кожны зможа набыць малюнкі дзетак з дамоў-інтэрнатаў. Пачатковы кошт малюнка — 10 000 рублёў. Усе сабраныя грошы пойдуць на арганізацыю выезду дзетак з Івянецкага дому-інтэрнату ў сталічны цырк.
«Дзень радасці» пройдзе
22 лютага ў 18.30 у мінскай «Арт-сядзібе» (Куйбышава 22, гандлёвы дом «Гарызонт», другі паверх).Пазнаёміцца з малюнкамі можна ўжо з 20 студзеня ў тым жа месцы.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары