Жыхару Брэста далі два гады «хіміі» за абразлівы каментар да фота Уладзіміра Караніка
Суд Маскоўскага раёна Брэста прысудзіў мужчыну да двух гадоў «хіміі» за абразу старшыні Гродзенскага аблвыканкама Уладзіміра Караніка. Пра гэта паведамляе прэс-служба абласнога суда.
Згодна з матэрыяламі справы, 6 красавіка 2021 года ў адной з сацыяльных сетак пад фотаздымкам старшыні Гродзенскага абласнога выканаўчага камітэта Уладзіміра Караніка, «мужчына размясціў паведамленне, якое ўтрымлівае выказванне ў непрыстойнай форме і прыніжае гонар і годнасць пацярпелага». Абвінавачанне сцвярджае, што мужчына «меў намер на публічную абразу прадстаўніка ўлады ў сувязі з выкананнем ім службовых абавязкаў».
Суд прызнаў мужчыну вінаватым у «публічнай абразе прадстаўніка ўлады ў сувязі з выкананнем ім службовых абавязкаў» і на падставе арт. 369 КК прысудзіў яго да двух гадоў абмежавання волі з накіраваннем у папраўчую ўстанову адкрытага тыпу, то-бок яму далі два гады «хіміі» за каментар.
Персанальны камп'ютар «Пілот», які належыць мужчыну, канфіскавалі.
Прысуд не ўступіў у законную сілу і можа быць абскарджаны.
Згодна з апублікаванымі нядаўна вынікамі сацыялагічнага апытання Chatham House, старшыня Гродзенскага аблвыканкама Уладзімір Каранік мае значны адмоўны індэкс даверу — нават горшы, чым Лукашэнка. Давер да Караніка прыкладна як у былога кіраўніка МУС Юрыя Караева.
Менавіта Уладзімір Каранік узначальваў міністэрства аховы здароўя падчас першых хваляў пандэміі каранавіруса, хаваў звесткі і пра небяспечнасць захворвання, і пра эпідэмічнае становішча ў краіне.
Вядомы таксама скандальны выпадак, як, наведваючы прадпрыемства «Гродна Азот», Уладзімір Каранік заявіў, што збіты падчас акцый пратэсту супрацоўнікамі АМАП 16-гадовы падлетак «атрымаў у морду», таму што быў атручаны «псіхатропамі». Адвакат падлетка, які пасля збіцця знаходзіўся ў коме, абверг словы губернатара дакументамі.
Кіраўнік Гродзенскай вобласці расказаў, як рэагуе на крытыку ў інтэрнэце
Каранік сустрэўся са студэнтамі. Пасля ў сеціва трапіў запіс, дзе абмяркоўвалася адмена масачнага рэжыму
Цяпер чытаюць
Ад 300 000 да 500 000 даляраў. Стала вядома, хто прывёз Джэйсана Дэрула ў Беларусь6
Каментары