U publičnuju palityku Uładzimir Makiej uvajšoŭ padčas vybaraŭ 2001 hoda. Mienavita «dypłamat Makiej» i «doktar Abielskaja» pa Biełaruskim telebačańni ahučvali prahramu Alaksandra Łukašenki.Dumajecca, na ich miescy chacieli być mnohija. Potym Makieju było daručana «vychavańnie» Viktara Łukašenki, navučyć jaho pracy ŭ Administracyi.
Makiej — raźviedčyk, adzin ź niamnohich łukašenkaŭcaŭ, chto dobra vałodaje anhlijskaj i niamieckaj movami.
Ź imiom Makieja źviazvali adlihu 2008—2010. Ale toj samy Makiej u 2012 hraziŭ, što «ad apazicyi kamienia na kamieni nie zastaniecca» ŭ vypadku ŭviadzieńnia sankcyj Jeŭrasajuza.
Pa svajoj pasadzie ministr zamiežnych spravaŭ u hetaj sistemie adkazvaje za adnosiny z Zachadam, a nie z Rasijaj. Adnak upłyŭ Makieja bolšy, čym jahonyja abaviazki. Heta tłumačać jak tym faktam, što jon doŭhija hady rasstaŭlaŭ kadry roznych uzroŭniaŭ jak kiraŭnik Administracyi prezidenta, tak i jahonym intelektam.
***
Cytata: «Biełaruś hatovaja da evalucyi i madernizacyi».
Samy razhar «libieralizacyi», listapad 2009.
***
Abjektyŭka
Nar. u 1958 u vioscy Niekraševičy Karelickaha rajona. Skončyŭ Minski dziaržaŭny instytut zamiežnych movaŭ (1980), słužyŭ u savieckaj raźviedcy (1980—1992), pałkoŭnik zapasu. Pieravučvaŭsia ŭ Dypłamatyčnaj akademii MZS Aŭstryi (1992—1993). U 1993—2000 znachodziŭsia na dypłamatyčnaj słužbie. U 2000—2008 hadach pracavaŭ pamočnikam prezidenta. Ad 2008 da 2012 zajmaŭ pasadu kiraŭnika Administracyi prezidenta Respubliki Biełaruś. Ad žniŭnia 2012 — ministr zamiežnych spravaŭ. Uklučany ŭ śpis nievyjaznych na terytoryju ES. Žanaty druhim šlubam. Maje dziaciej ad abodvuch šlubaŭ. Druhaja žonka — aktrysa i televiadučaja.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami23
Kamientary