«Budźma biełarusami!» abviaščaje pošuk muzyčnych prajektaŭ u Homieli

Pieršy «Kirmaš» u Homieli adbyŭsia 4 krasavika hetaha hoda i prademanstravaŭ 11 prajektaŭ roznych nakirunkaŭ: ad art-chaŭsa i cyrka da art-vioski i piešachodnaj vulicy.

Hetym razam u centry ŭvahi «Kirmašu», jaki adbudziecca ŭ Homieli 17 kastryčnika, — muzyka. A značyć, u pošuk abviaščajucca:

- Hramadska značnyja muzyčnyja prajekty, padziei, kancepcyi, stratehii (naprykład, farmavańnia muzyčnaj, stylovaj admietnaści ŭstanovy) i inšaje. Vitajucca jak historyi «prachodu» prajekta praz ahoń, vadu i miednyja truby, tak i idei, jakija tolki-tolki naradzilisia i jakija nie zaškodzić «abkatać» u kole kaleh, adnadumcaŭ i mnohich pakul nie identyfikavanych», ale ŭžo nieabyjakavych ludziej.

- Aŭtary muzyčnych prajektaŭ: muzyki, arhanizatary kancertaŭ, art-dyrektary, kiraŭniki navučalnych muzyčnych ustanovaŭ i mnohija inšyja, chto idzie pa žyćci z muzykaj.

- Šyrokaja publika. Asablivyja prykmiety: zacikaŭlenaść u palapšeńni jakaści i roście kolkaści muzyčnych padziej.

Farmat: «małankavaja razmova» — heta niekalki 5-chvilinnych prezientacyj, stvoranych zahadzia ŭ PowerPoint, Prezi.com i h.d. «Kirmaš prajektaŭ» uklučaje taksama abmierkavańnie pradstaŭlenych prajektaŭ i hałasavańnie za najlepšy.

Navošta takaja sustreča? Admysłoŭcam u muzyčnaj śfiery «Kirmaš prajektaŭ» budzie karysny, kab padzialicca cikavym, kaštoŭnym dośviedam, atrymać acenku kaleh, pačatkoŭcam — pradstavić novyja idei i, hałoŭnaje, znajści partnioraŭ dla ich realizacyi! Hledačy (siarod jakich taksama budzie niamała admysłoŭcaŭ) mohuć natchnicca tvorčym arhanizacyjnym zapałam, dać parady, uziać udzieł u realizacyi taho ci inšaha kulturnickaha prajekta.

Kab stać udzielnikam «Kirmašu prajektaŭ», nieabchodna da 13 kastryčnika ŭklučna dasłać na elektronnuju skryniu [email protected] prezientacyju, u jakuju abaviazkova ŭklučyć:

— nazvu prezientacyi*;

— sutnaść prezientacyi (što mienavita vy chočacie pradstavić: prajekt, stratehiju, kampaniju, kancepcyju i h.d.)*.

Dla prajektnych idej i kancepcyj:

— mety i zadačy (čamu i kamu hety prajekt nieabchodny);

— farmat prajekta, jaho ŭnikalnaść i (ci) nieabchodnaść;

— kali i dzie ideja musić realizavacca;

— jakija resursy vy ŭžo majecie i jakija šukajecie (kamanda, dziejańni, partniory, biudžet).

Dla realizavanych prajektaŭ taksama:

— vašyja pośpiechi i ciažkaści ŭ realizacyi;

— jak vy bačycie raźvićcio prajekta ŭ budučyni.

Dla kancepcyj ci stratehii:

— apisańnie: sutnaść, bačańnie;

— metavyja aŭdytoryi.

Bolš padrabiazna pra padrychtoŭku prezientacyi dla «Kirmašu prajektaŭ» možna daviedacca tut. Taksama z usimi pytańniami źviartajciesia da kaardynatara kampanii «Budźma biełarusami!» pa Homielskim rehijonie Jaŭhiena Mierkisa (teł: +37544 7494166).

• 0
• 0
• 0
• 0
• 0
• 0
• 0
• 0