U čaćvier, 17 kastryčnika, adbudziecca pieršaja paśla hadovaha pierapynku prezientacyja časopisa Arche ŭ Viciebsku. Prysutnych čakaje zachaplalnaje znajomstva ź dziasiatkami vydańniaŭ, najpierš histaryčnaj skiravanaści.
Historyk Aleś Bieły raskaža pra svaju knihu «Chronika Biełaj Rusi. Imahałohija Biełarusi», praca nad jakoj zaniała ŭ jaho amal 20 hadoŭ.
Redaktary Arche Aleś Paškievič i Valer Bułhakaŭ aznajomiać udzielnikaŭ prezientacyi z apošnimi vypuskami časopisa — «Palicai i partyzany», «Histaryčnaja palityka i histaryčnaja pamiać Biełarusi», «Achviary i katy», a taksama z vydadzienaj na biełaruskaj movie knihaj litoŭskaha daśledčyka Edmundasa Himžaŭskasa «Biełaruski faktar pry farmavańni litoŭskaj dziaržavy ŭ 1915—1923 hh.».
Razmova taksama pojdzie pra inšyja tematyčnyja vypuski časopisa Arche — «Vajskovaja historyja VKŁ», «Historyja biełaruskaj štodzionnaści», «Teror i prapahanda ŭ akupavanaj Biełarusi», «Hrunvald», «Płošča 19 śniežnia 2010», «Połacak u prastory i časie», 1950-ja ŭ Biełarusi: «Ad stalinizmu da zastoju», i inšyja publikacyi.
Sustreča pačniecca ŭ 18.30, adras – vuł. Kastryčnickaja, d. 13.
Daviedki pa t.: (029) 550-79-69.
Chto zabaraniaje ŭ Biełarusi knihi — voś hetyja 22 čałavieki33
Kamientary