U 1913 hodzie ŭ Vilni ŭ drukarni Marcina Kuchty vyjšaŭ zbornik vieršaŭ Maksima Bahdanoviča «Vianok. Knižka vybranych vieršaŭ», jaki paetu dapamahli vydać supracoŭniki pieršaj biełaruskaj haziety «Naša Niva».
Bieź pierabolšańnia, hetaja kniha — viaršynia biełaruskaj liryki pačatku XX stahodździa.
Sam paet paźniej u liście da biełaruskaj piśmieńnicy Vandy Lavickaj pisaŭ: «Niedachvataŭ roznych — hibiel, dy knižka heta zusim maładaja: vieršy jaje pisalisia z pałovy 1909 da pałovy 1912 hh., kali mnie było 17−20 hod. Ale ŭ joj usio ž taki jość i tvorčaść, i natchnieńnie, i surjoznaja praca».
2013 hod adznačany słaŭnym jubilejem – 100 hod «Vianku».
Litaraturny muziej Maksima Bahdanoviča ŭ Minsku kožnyja dva hady arhanizoŭvaje i pravodzić mižnarodnyja navukova-praktyčnyja kanfierencyi. Sioleta, a dakładniej 26 listapada 2013, adbudziecca čarhovaja kanfierencyja «Kniha novaha žyćcia», pryśviečanaja 100-hodździu adzinaha pryžyćciovaha zbornika vieršaŭ M. Bahdanoviča.
Da ŭdziełu ŭ kanfierencyi zaprašajucca litaraturaznaŭcy, movaznaŭcy, kulturołahi, historyki, mastactvaznaŭcy, muziejnyja śpiecyjalisty, śfiera navukovych intaresaŭ jakich źviazanaja z vyvučeńniem i interpretacyjaj roznych aśpiektaŭ žyćcia i tvorčaści Maksima Bahdanoviča. Tamu ŭsim achvotnym uziać udzieł u kanfierencyi arhanizacyjny kamitet prapanuje dasłać svaju zajaŭku na elektronny adras muzieja [email protected] da 1 listapada 2013 hoda.
Usiu dadatkovuju infarmacyju možna znajści na sajcie Litaraturnaha muzieja Maksima Bahdanoviča: www.bagdanovich.by.
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary