Ksiondz Andrej Ryłka: Dzień sv. Valancina pieratvaryŭsia ŭ kamiercyjny prajekt
Sučasny Dzień śviatoha Valancina staŭ prybytkovym dla biźniesmienaŭ i zabaŭlalnym dla prostych ludziej kamiercyjnym prajektam. Takoje mierkavańnie vykazaŭ ksiondz Andrej Ryłka na sajcie Rymska-katalickaha kaścioła ŭ Biełarusi catholic.by.
Śviatar nahadaŭ, što Dzień śviatoha Valancina, jaki jašče nazyvajuć Dniom usich zakachanych, tradycyjna śviatkujuć 14 lutaha šmat ludziej amal što va ŭsim śviecie. Jak miarkujecca, jon nazvany pa imieni adnaho z dvuch pakutnikaŭ časoŭ rańniaha chryścijanstva — Valancina Interamskaha ci Valancina Rymskaha.
«Dla mnohich zakachanych hety dzień stanovicca ledź nie adzinym momantam u hodzie, kali jany imknucca niejak admysłova padkreślić blizkaj asobie, jak mocna jaje kachajuć», — adznačyŭ ksiondz Andrej Ryłka.
Jon źviarnuŭ uvahu na toje, što dla chryścijan hety dzień stanovicca «svojeasablivym vyklikam», bo, «vidavočna, što masavaja kultura nie kancentrujecca na relihijnym aśpiekcie śviata».
«Chryścijanie ŭ adnosinach da hetaha dnia padzielenyja, — piša śviatar. — Adny ličać jaho adnaznačna drennym, bo prapahanduje raspustu i hetak dalej. Inšyja ličać, što nieabchodna zmahacca za chryścijanski charaktar śviata. Prychilniki takoha pohladu prapanoŭvajuć roznyja alternatyvy kamiercyjnym šou. Naprykład, vykarystoŭvajuć tematyku hetaha dnia, kab parazmaŭlać ab chryścijanskim razumieńni kachańnia. Abo arhanizoŭvajucca alternatyŭnyja chryścijanskija viečaryny, šou, malitoŭnyja sustrečy».
Ksiondz Andrej Ryłka nahadaŭ, što Rymska-katalicki kaścioł admiažoŭvajecca ad vyłučeńnia hetaha dnia, a ŭspamin śviatoha Valancina pierasunuty «ŭ katehoryju tak zvanych nieabaviazkovych uspaminaŭ». Zaraz katalickija vierniki 14 lutaha adznačajuć śviata śviatych Kiryła i Miafodzija, «apostałaŭ i aśvietnikaŭ słavian».
«Heta, zdajecca, jašče bolš pahłyblaje napružańnie siarod viernikaŭ i dušpastyraŭ, asabliva ŭ našaj častcy śvietu. Što rabić? Iści za liturhičnymi pradpisańniami i śviatkavać dzień śviatych Kiryła i Miafodzija? Ci ŭsio ž pajści nasustrač masavaj kultury, śviatkujučy śviatoha Valancina? Moža, choć tak my zdolejem zachavać chryścijanskaje abličča hetaha dnia?» — zadajecca pytańniem katalicki śviatar.
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3535
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha35
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary