Udar pa pradpryjemstvie ŭ Nievinnamysku ŭ noč na 16 maja staŭ čarhovym u šerahu atak pa chimpramie Rasii.
Heta jak minimum šostaja ataka Ukrainy na pradpryjemstva z pačatku vajny. Hubiernatar śćviardžaje, što SPA adbiła nalot dronaŭ pad Nievinnamyskam. Paciarpiełych i razbureńniaŭ, pavodle jaho słoŭ, niama. Adnak miascovyja žychary pościać videa z mahutnym pažaram, paviedamlaje Astra.
«Nievinnamyski Azot» — adzin z najbujniejšych u Rasii vytvorcaŭ minieralnych uhnajeńniaŭ i chimičnych rečyvaŭ, jakija vykarystoŭvajucca dla vyrabu vybuchoŭki. Zaharańnie adbyłosia «na ŭčastku bujnatanažnaj vytvorčaści amijaku, dzie raźmieščany cech ź piečami pieršasnaha ryforminhu», śćviardžaje Supernova.
U Nabiarežnych Čaŭnach, što ŭ Tatarstanie, uspychnuŭ pažar na zavodzie pa pierapracoŭcy płastyku, paviedamlaje meryja. Jaho ŭžo pahasili. Raniej u respublicy abjaŭlałasia «bieśpiłotnaja niebiaśpieka», adnak manitorynhavyja kanały śćviardžajuć, što heta nie maje dačynieńnia da ŭzharańnia.
Pavodle danych Minabarony Rasii, za noč u Rasii źbili 138 dronaŭ.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary