Efiopija zacikaŭlena ŭ pastaŭkach biełaruskich traktaroŭ, mietała- i naftapradukcyi, paviedamiŭ žurnalistam pasoł Biełarusi ŭ Efiopii Dźmitryj Kuptel na sustrečy kiraŭnikoŭ zahranustanoŭ Biełarusi z pradstaŭnikami ajčynnaha biźniesu, jakaja prachodzić siońnia ŭ Biełaruskaj handlova-pramysłovaj pałacie.
«Biełaruś adkryła pasolstva ŭ Efiopii ŭ vieraśni minułaha hoda, i na praciahu dzieviaci miesiacaŭ my aktyŭna pracujem, naładžvajem kantakty i suviazi z hetaj krainaj i ź inšymi krainami Uschodniaj Afryki. Užo jość dadatnaja dynamika handlova-ekanamičnych adnosin. U pryvatnaści, pa vynikach pieršaha paŭhodździa 2014 hoda biełaruski ekspart u Efiopiju pavialičyŭsia ŭ 18 razoŭ, i my płanujem zachavać hetu dynamiku i pa vynikach hoda», — adznačyŭ dypłamat. Jon padkreśliŭ, što ŭ asnoŭnym Efiopija zacikaŭlena ŭ pastaŭkach biełaruskich traktaroŭ, mietała- i naftapradukcyi.
«Efiopija ŭ bolšaj stupieni źjaŭlajecca sielskahaspadarčaj krainaj, prykładna 60 pracentaŭ VUP prypadaje na dolu sielskaj haspadarki, tam dobra viedajuć traktary «Biełarus». My aktyŭna pracujem nad adnaŭleńniem zboračnaj vytvorčaści biełaruskich traktaroŭ i spadziajomsia, što ŭ hetym hodzie novyja madeli našych traktaroŭ znoŭ vyjduć na pali hetaj krainy», — paviedamiŭ pasoł.
Akramia taho, efiopski rynak maje patrebu ŭ naftachimičnaj pradukcyi i pradukcyi Biełaruskaha mietałurhičnaha zavoda. «Uschodniaja Afryka aktyŭna budujecca, tamu tam zapatrabavana naša mietałapradukcyja. Taksama park hramadskaha transpartu maje patrebu ŭ abnaŭleńni, dla hetaha padydzie pradukcyja MAZa. Jość na hetym rynku miesca i BiełAZu», — adznačyŭ Dźmitryj Kuptel.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?8
Kamientary