U 2014 hodzie arhanizacyi roźničnaha handlu Biełarusi pradali 117 tys. ton šakaładu i inšych kandytarskich vyrabaŭ z cukru, ź ich 81 tys. ton - ajčynnaj vytvorčaści. Takija źviestki padaje Nacyjanalny statystyčny kamitet u ahladzie, pryśviečanym Suśvietnamu dniu šakaładu, jaki adznačajecca 11 lipienia.
Pavodle źviestak Biełstata, u 2014 hodzie na zamiežny rynak pastaŭlena 8,2 tys. ton šakaładu i šakaładnych vyrabaŭ.
U minułym hodzie vyrablena 8,599 ton šakaładu i anałahičnych vyrabaŭ (u 2013-m - 8,814), šakaładnych cukierak - 3.404 (5,782), kandytarskich vyrabaŭ na asnovie cukru i jakija źmiaščajuć kakavu - 12,092 (11,599), kandytarskich vyrabaŭ na asnovie cukru, uklučajučy bieły šakaład, jakija nie ŭtrymlivajuć kakavy - 27,168 (28,848), biełaha šakaładu - 38 (68).
Jak adznačyli ŭ kamitecie, u Dzień šakaładu ŭ roznych krainach prachodziać fiestyvali i inšyja mierapryjemstvy, pryśviečanyja hetamu sałodkamu śviatu. Na fabrykach, zavodach i ŭ kandytarskich usim žadajučym raspaviadajuć, jak i z čaho hatujecca šakaład, pravodziacca konkursy i dehustacyi, vystavy tvoraŭ z šakaładu i majstar-kłasy, dzie možna pasprabavać siabie ŭ roli šakałaćje.
U Biełarusi kala hoda tamu ŭ Viciebsku adkryŭsia pieršy muziej šakaładu, jaki adnačasova moža raźmiaščać prykładna 100 vystavačnych sałodkich abjektaŭ - heta raznastajnyja fihury, vykananyja ŭ technicy lićcia, i bolš składanyja, kambinavanyja, a taksama karciny, namalavanyja šakaładam pa šakaładu.
U červieni 2015 tam źjaviłasia šakaładnaja karta horada, jakaja ŭ dni «Słavianskaha bazaru» dapamoža haściam horada nie zabłukać i znajści ŭsie znakavyja miescy i kancertnyja placoŭki. Karta vykanana całkam z šakaładu z užyvańniem naturalnych charčovych farbavalnikaŭ. Na pałatnie pamieram 1,7 m na 1 m i vahoj bolš za 15 kh adznačany abjekty fiestyvalu.
Radzimaj Suśvietnaha dnia šakaładu ličycca Francyja, pakolki mienavita francuzy ŭ 1995 hodzie pakłali pačatak hetaha śviata. Trochi paźniej tradycyi śviatkavańnia Dnia šakaładu pieraniali i inšyja krainy. Siońnia jaho adznačajuć u Italii, Hiermanii, Rasii, Biełarusi i mnohich inšych krainach.
Pobač z Łukašenkam na chakiei źjaviłasia novaja pryhažunia10
Kamientary