Viadomamu biełaruskamu muzyku, dziejaču nacyjanalnaha Adradžeńnia 2 kastryčnika spoŭniłasia b 50 hadoŭ.
U viečarynie pamiaci voźmuć udzieł bardy Alaksiej Halič, Andrej Mielnikaŭ, Alaksiej Čumakoŭ, Źmicier Bartosik i inšyja vykanaŭcy i hurty.
Mierapryjemstva pačniecca ŭ minskaj Halerei Ŭ a 19-aj hadzinie. Uvachod volny.
Źmicier Sidarovič - viadomy biełaruski muzyka, dudar, paet, arhanizatar šmatlikich kulturnickich mierapryjemstvaŭ i prajektaŭ. Naradziŭsia 2 kastryčnika 1965 hoda ŭ Minsku.
U trynaccacihadovym uzroście pačaŭ pisać piesiennyja teksty. Pa-biełarusku pačaŭ pisać u 1984-m, paśla pajezdki na Padlašša.
U 1982-m zakančvaje siaredniuju škołu № 121 i pastupaje na budaŭničy fakultet Biełaruskaha politechničnaha instytutu, dypłom pa zakančeńni jakoha atrymlivaje ŭ 1987 hodzie. Potym – aśpirantura i abarona dysiertacyi. U 1992 hodzie stanovicca kandydatam techničnych navuk.
U 1991 hodzie stvaryŭ etna-rok-hurt «Kamełot». Potym hraŭ u hurtach «Haspadary z-pad Vilni» (2000) i «Stary Olsa» (2002).
U 2008 hodzie zasnavaŭ kapełu «Na taku», jakaja ładziła viečaryny tradycyjnaha tancu. U apošni hod žyćcia zajmaŭsia adradžeńniem biełaruskaj zastolnaj muzyki.
Źmicier Sidarovič byŭ nie tolki viadomym muzykam, ale zajmaŭsia i litaraturnaj dziejnaściu. Vydaŭ knihu vieršaŭ «Try žałudy», staŭ układalnikam daviednika «Vialikija muzyki 20 stahodździa».
U apošnija hady Źmicier pačaŭ zapisvać i vydavać muzyku dla dziaciej. Pradziusar «Dziciačaha albomu. Tom I» (2010) i «Dziciačaha albomu. Tom II» (2012), u jakich udzielničali jaho syn Tamaš i syn śpiavački Taćciany Hrynievič Adaś.
Da apošniaha dnia pracavaŭ pa śpiecyjalnaści viadučym inžynieram ZAT «Biełprajektstalkanstrukcyja».
Pamior 17 traŭnia 2014 hoda.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu10
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5959
Kamientary