Biełaruski instruktar navučalnaj bazy pałka «Azoŭ» z pazyŭnym «Zubr» paviedamiŭ «Našaj Nivie», što na minułym i pazaminułym tydni da jahonych baćkoŭ z vobšukam prychodzili supracoŭniki ŭpraŭleńnia pa baraćbie z arhanizavanaj złačynnaściu.
«Mnie maci skazała, što prychodziła milicyja. Jany zabrali noŭtbuk i skazali, što pieradaduć usio ŭ KDB. Taksama i da čatyroch inšych chłopcaŭ prychodzili, zabirali kampjutary i vinčestary. Pałochali baćkoŭ, što suprać nas zaviedzieny spravy pa artykule «Najomnictva», što nas «padaduć» na ekstradycyju, a potym pasadziać. Taksama zadavali pytańni, dzie my i što robim, ale maja maci im ničoha nie stała kazać», — raspavioŭ «Zubr».
Chłopiec dadaŭ, što pakul nie viedaje, nakolki heta niebiaśpiečna. Bo, maŭlaŭ, niejmavierna, što Ukraina ich vydaść. Ale i brać ukrainskaje hramadzianstva dla strachoŭki chłopcy nie chočuć.
«Tolki «Hrot» dumaje afarmlać hramadzianstva, bo ŭ jaho ž žonka — ukrainka».
Taksama biełarus raskazaŭ, što chłopcy źbirajucca zvalniacca z «Azova», bo aktyŭnaja faza vajny skončyłasia i prosta tak siadzieć, maŭlaŭ, nie maje sensu. Zamiest hetaha jany chočuć pačać «palityčnuju baraćbu». «My płanujem stvaryć, tak by mović, palityčny ruch u emihracyi ŭ novym farmacie», — skazaŭ «Zubr», nie raskryŭšy sutnaści hetaha ruchu.
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary