Apytańnie vybarcaŭ pakazała, što Klintan dobra praviała i druhi raŭnd debataŭ z Trampam. Zhodna z vynikami apytanki CNN/ORC 57% vybarcaŭ paličyli pieramožcam Klintan, a 34% — Trampa.
U vyniku hetaha ŭmacavaŭsia mieksikanski piesa. Ličycca, što pieramoha Trampa pryviała b da abvału mieksikanskaj ekanomiki, bo kandydat-respublikaniec vystupaje suprać isnavańnia zony volnaha handlu ź Mieksikaj, tamu mieksikanskuju valutu ličać indykataram šancaŭ miljardera.
Debaty byli haračymi. Tramp zajaviŭ, što, kali pieramoža, pasadzić Klintan u turmu za jaje vykarystańnie pryvatnaha e-mejła dla pierapiski pa słužbovych pytańniach u časie pracy dziaržaŭnym sakratarom ZŠA. U svaju čarhu, Klintanicha nazvała Trampa nieprydatnym dla prezidenctva, bo zdolnym pasvarycca z usimi i z kožnaj nahody.
Debaty byli arhanizavanyja ŭ tak zvanym «ratušnym styli», kali kandydaty volna chodziać pa scenie. Tramp časta stanaviŭsia ŭ Klintan za śpinaj. Karystalniki amierykanskich sacsietak heta zaŭvažyli i ŭ bolšaści takuju pahroźlivuju manieru asudzili.
Tramp taksama adbivaŭsia ad abvinavačvańniaŭ u vulharnych vykazvańniaŭ pra žančyn. «Heta taki žart z raździavalni, — niekalki razoŭ paŭtaryŭ jon. — Vaš muž horšaje z žančynami rabiŭ», — skazaŭ jon supiernicy.
Klintan admoviłasia abmiarkoŭvać pavodziny muža.
Na pačatku debataŭ palityki admovilisia pacisnuć adzin adnamu ruku. Heta redki vypadak takoj uzajemnaj pahardy ŭ amierykanskaj palitycy.
Kamientary