Ja časta sutykaŭsia z pytańniem, jak najlepš pieradać pa-biełarusku modnaje ŭ łukašenkaŭcaŭ słova «užiestočiť».
«Užiestočiť kontrol», «užiestočiť zakonodatielstvo», «užiestočiť miery», «užiestočiť normu». Słoŭnik daje pierakład «uzmacnić». Ale jon nie zaŭsiody dakładny. Nie skažaš: «uzmacnić zakanadaŭstva, uzmacnić normu». «Zrabić zakanadaŭstva bolš žorstkim» — hruvastka.
Ja spytaŭsia ŭ siabroŭ u fejsbuku pra ich varyjanty.
Prahučali roznyja idei.
Linhvist Mikoła Ramanoŭski napisaŭ, naprykład: «Užiestočiť kontrol» — m.b. prosta «pilniej kantralavać». Uvohule tut prysłoŭje ŭ paraŭnalnaj stupieni ź dziejasłovam, zdajecca, moža dobra zajści».
Byli i žarty: «užestačyć!», «zrabić žestačajšym».
Ale najlepšy, na maju dumku, varyjant, prapanavała Volha Błaževič: «Pastrožyć».
Jon adrazu mnohim spadabaŭsia, ludzi pryhadali, jak čuli takoje słova ad dziadoŭ.
Ja dumaju, hetaje słova zasłuhoŭvaje taho, kab pryžycca. A vy jak dumajecie?
Ciapier čytajuć
«Skazali, što ludzi ź vizami typu C nie zmohuć pierasiačy miažu». Na litoŭskich prapusknych punktach zdaryŭsia kałaps5
Kamientary