Śpiavačka Bjork raspaviała pra damahańni z boku režysiora Łarsa fon Tryjera
Śpiavačka Bjork zajaviła pra seksualnyja damahańni z boku režysiora na zdymačnaj placoŭcy. Pra heta jana napisała na svajoj staroncy ŭ Facebook.
Pa słovach Bjork, kali jana pačała zdymacca ŭ kino, to była šakavana tym, što ŭ kinaindustryi ličycca narmalnym, kali režysior dazvalaje sabie zanadta šmat na placoŭcy. Jana adznačyła, što adprečyła damahańni režysiora, ale jon umieła «vystaviŭ mianie čałaviekam, jaki stvaraje prablemy».
Bjork piša, što joj udałosia pieražyć kryŭdy i damahańni ŭ pieršuju čarhu dziakujučy svajoj sile, padtrymcy asiarodździa i tamu faktu, što ŭ jaje nikoli nie było nijakich ambicyj u kino.
Imia režysiora jana ŭ svaim zvarocie ni razu nie nazyvaje, ale adznačaje, što havorka idzie pra datčanina. Adziny dacki režysior, ź jakim jana pracavała, — znakamity Łars fon Tryjer.
Isłandka Bjork viadomaja ŭ pieršuju čarhu jak śpiavačka, ale jana niekalki razoŭ zdymałasia ŭ kino. Samaja viadomaja rola — «Tancorka ŭ ciemry» Łarsa fon Tryjera. Ščyra raspavieści pra svoj dośvied Bjork vyrašyła paśla taho, jak u hramadstvie ŭźniałasia chvala pryznańniaŭ paśla vykryćcia seksualnych złačynstvaŭ pradziusara Charvi Vajnštejna.
15 kastryčnika stała viadoma, što palicyja Łondana rasśleduje try novyja epizody seksualnych złačynstvaŭ u spravie Vajnštejna.
Pradziusara vyklučyli sa składu Brytanskaj akademii kino paśla taho, jak amierykanskaja hazieta New York Times apublikavała materyjał, u jakim jaho abvinavačvali ŭ seksualnych damahańniach. Žurnalisty pisali, što Vajnštejn damahaŭsia maładych aktorak i supracoŭnic jaho kinakampanii.
U pryvatnaści, paśla publikacyi New York Times, aktrysy Andželina Džali i Hviniet Pełtroŭ taksama abvinavacili Vajnštejna ŭ damahańniach i raspaviali, kali heta było. Paźniej halivudskaja aktrysa Makhoŭn abvinavaciła pradziusara Vajnštejna ŭ zhvałtavańni.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks27
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1919
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki19
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary