Andrej Makarevič: Rasijskaja prapahanda pieratvaraje ludziej u złosnych debiłaŭ
Rasijski śpiavak Andrej Makarevič, kamientujučy svaju pajezdku ŭ ZŠA, napisaŭ, što amierykancy «spakajniejšyja, viesialejšyja i dabrejšyja» za rasijan, ź jakimi «adbyvajecca niešta žudasnaje». Adzin z čytačoŭ adznačyŭ, što tak na rasijan paŭpłyvała «prapahanda». Śpiavak pahadziŭsia: «Daliboh, mnie zdajecca, jany adkryli niejki dvaccać piaty kadr, jaki realna pieratvaraje ludziej u złobnych debiłaŭ», — napisaŭ Makarevič.
Rasijskija ŚMI padali słovy Makareviča tak, niby jon nazvaŭ rasijan «złobnymi debiłami».
Vodpaviedź śpievaku dała pres-sakratarka Ministerstva zamiežnych spraŭ Rasii Maryja Zacharava, viadomaja svaim ahresiŭnym stylem: «Usie, chto jašče zachoča nazvać rasijan «złobnymi debiłami» ci jašče jakości, uspaminajcie ekśpierymient 2018 hoda: vaš kandydat, jaki nazvaŭ narod «hienietyčnymi pazadkami», nabraŭ svaje 1,6%. Pierastańcie nas abražać — prava takoha nie majecie!» — napisała Zacharava ŭ fejsbuku.
Jana mieła na ŭvazie Ksieniju Sabčak, jakaja na vybarach 2018 hoda vykonvała rolu kandydata ad libierałaŭ. Rasijskaja prapahanda masava tyražavała słovy Sabčak, pramoŭlenyja 8 hadoŭ tamu, kali jana zajaviła, što Rasieja ŭ vyniku vojnaŭ i palityčnych čystak stała «krainaj hienietyčnych pazadkaŭ [otrieb́ja]».
Śpiavak Andrej Makarevič upieršyniu staŭ abjektam ckavańnia rasijskich ŚMI z 2014 hoda, kali jon asudziŭ uvarvańnie rasijskich vojskaŭ va Ukrainu.
Ciapier čytajuć
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy57
Kamientary