Zamiatalin pra moŭny kanflikt u kramie: «Absłuhoŭvajučy piersanał pavinien razmaŭlać na toj movie, na jakoj da jaho źviartajucca»
Były namieśnik kiraŭnika Administracyi prezidenta Uładzimir Zamiatalin prakamientavaŭ skandał u kramie «Jeŭraopt», udzielnikam jakoha jon staŭ.
Pa słovach śviedkaŭ, eks-čynoŭnik nakryčaŭ na kasirku, jakaja źviarnułasia da jaho pa-biełarusku.
«Absłuhoŭvajučy piersanał pavinien razmaŭlać na toj movie, na jakoj da jaho źviartajucca. Paŭsiul heta norma. Uvohule ja nie razumieju, u čym šum i intares. Ničoha zvyšnaturalnaha nie adbyłosia», — miarkuje Zamiatalin.
Jon tłumačyć, što nie zrazumieŭ słovy kasirki. «Vučyć biełaruskuju movu ŭ 70 hadoŭ ja nie źbirajusia», — zajaviŭ Zamiatalin.
Jak ža jon moh pracavać čynoŭnikam u krainie, dzie biełaruskaja mova dziaržaŭnaja? «My ŭsie vyjšli z ahulnaha savieckaha dziacinstva. Niama ničoha strašnaha», — tłumačyć jon.
Eks-ideołah nie choča navat nazyvać movu «biełaruskaj»:
«Mova, jakuju nazyvajuć biełaruskaj, źjaviłasia raniej, čym nasielnictva VKŁ stali nazyvać biełarusami». Jamu bližej aznačeńnie «stararuskaja».
«Jeŭraopt»: Pretenzii pakupnika da kasirki nie apraŭdanyja
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca99
Kamientary