Ułady pastavili kropku ŭ moŭnym kanflikcie ideołaha Zamiatalina i kasirki «Jeŭraopta». Ź vielmi pryhožaj farmuloŭkaj
Minharvykankam daŭ aficyjny adkaz nakont moŭnaha kanfliktu pamiž byłym hałoŭnym ideołaham Biełarusi Uładzimiram Zamiatalinym i kasirkaj kramy «Jeŭraopt».
Nahadajem u dvuch słovach, što stała pryčynaj skandału. Zamiatalin aburyŭsia tym, što ŭ kramie «Jeŭraopt» na praśpiekcie Pieramožcaŭ kasirka źviarnułasia da jaho pa-biełarusku. Pa śviedčańniach vidavočcaŭ, jon kryčaŭ niešta nakštałt «dy nie chaču ja havaryć na vašaj dołbanaj movie!» Ale sam ideołah śćviardžaŭ, što nie kazaŭ takich słovaŭ.
Juryst Ihar Słučak nakiravaŭ zvarot uładam z prośbaj razabracca ŭ situacyi, ci nie abraziŭ kolišni ideołah biełaruskuju movu?
Zajavu ŭ vyniku pierakinuli ŭ Kamitet pa adukacyi Minharvykankama. Praanalizavaŭšy materyjały «Našaj Nivy», pieršy namieśnik staršyni Vital Pryhodzič vykazaŭsia nastupnym čynam:
«Hramadzianinam Zamiatalinym było bieśpieraškodna realizavana jaho kanstytucyjnaje i zakonnaje prava znosin na ruskaj movie. Supracoŭnikami kramy taksama było realizavana ich prava na absłuhoŭvańnie klijenta na biełaruskaj movie».
«Prykmiety dyskryminacyi na moŭnaj hlebie, źniavahi ci hańbavańnia biełaruskaj movy adsutničajuć», — padsumavaŭ Vital Pryhodzič.
Eks-ideołah Zamiatalin učyniŭ skandał u «Jeŭraopcie», bo jaho absłužyli pa-biełarusku
Zamiatalin pra moŭny kanflikt u kramie: «Absłuhoŭvajučy piersanał pavinien razmaŭlać na toj movie, na jakoj da jaho źviartajucca»
«Jeŭraopt»: Pretenzii pakupnika da kasirki nie apraŭdanyja
-
Jana pryniała isłam, a jon palubiŭ draniki. U Mahilovie pabralisia šlubam biełaruska i pakistaniec
-
U Homieli žančynu vysielili ź internata prosta na vulicu. Jana maci dvuch dziaciej, ale heta ŭ zalik nie pajšło
-
Pajšoŭ u bankructva restaran, jaki naležaŭ siamji Zinhmana. Daŭhoŭ bolš čym na miljon dalaraŭ, a majomaści na 389 rubloŭ
Kamientary