Što varta pabačyć i kaho pasłuchać na vystavie-kirmašy «Mebla-2018» — poŭnaja prahrama

A ciapier padrabiaźniej pra toje, navošta iści na śpiecyjalizavanuju vystavu-kirmaš «Mebla-2018» u Minsku.

Pavialičyć

Prafiesijnyja studyi prapanujuć stvaryć dyzajn-prajekt kvatery ŭ Minsku pa canie ad 8 da 50 rubloŭ za kvadratny mietr. Možacie sami paličyć, u kolki heta abydziecca, i płacić. Inšy varyjant — napružycca samomu i, pahruziŭšysia ŭ styli dyzajnu interjera (a ich kala 80, i heta tolki asnoŭnyja) — stvaryć svoj. U adnym miescy kupić kanapu, u inšym — kamodu, u trecim — zamović kuchniu. Ale ci varta? Bo jość i treci varyjant, kudy bolš prosty. Pra jaho my ciapier i raspaviadziem.

Možna abirać

Naturalna, hałoŭnaja funkcyja vystavy — pakazać tavar. Mabyć, takoha asartymientu mebli na luby hust i kašalok vy nie znojdziecie bolš nidzie. A čym šyrej vybar, tym bolš šancaŭ znajści mienavita toje, pra što vy maryli, ci pra što navat i nie maryli. Darečy, kupić (abo zaklučyć damovu na nabyćcio) možna na miescy.

Pavialičyć

Daviedacca pra novyja tendencyi — i ŭvasobić ich doma

Naprykład, možna natchnicca rabotami, pradstaŭlenymi miedyjapartnioram vystavy časopisam «Abstanoŭka» ŭ halerei znakamitych dyzajnieraŭ i architektaraŭ. Abo paraicca z ekśpiertami, jakija raskažuć pra apošnija tendencyi dyzajnu interjeru i pryvatnaj architektury. Jany buduć vystupać 15 vieraśnia (subota). A 12-j hadzinie dyzajnier Juryj Alachno, pieramožca šmatlikich prestyžnych konkursaŭ, padzielicca sakretami dobraj abstanoŭki ŭ domie. A 13-j hadzinie studyja dyzajnu GREEN STUDIO i Sałon dekaratyŭnych materyjałaŭ New Walls daduć majstar-kłas «Značeńnie dyzajnu interjera dla HoReCa. Rola dekaratyŭnych tynkovak u interjery», a ŭ 14.00 architektar Alaksiej Dajneka raskaža pra asablivaści vybaru i płaniroŭki kampaktnaha žylla.

Pavialičyć

Pryjści ŭsioj siamjoj — i atrymać urok kreatyvu

Na vystavie nie budzie sumna nie tolki vam, ale i vašym dzieciam. Dla ich padrychtavanaja zajmalnaja prahrama i fotazona z rycarami. Akramia taho, jany mohuć naviedać uroki kreatyvu ŭ Škole architekturnaha myśleńnia. Dzieci razam z architektarami stvorać makiet svajho horada budučyni, z vulicami, budynkami, pryrodaj, žycharami. Kožnaje dzicia zmoža stvaryć makiet svajho budynka, abraŭšy prydatnuju formu, pamier, pryznačeńnie budynka i, viadoma, miesca ŭ našym horadzie. Nichto nie budzie abmiažoŭvać palot fantazii dziaciej. Chto viedaje, moža i vaša dzicia ŭ budučyni stanie znakamitym dyzajnieram ci architektaram?

Pavialičyć

Prafiesijny błok: dadzienyja daśledavańniaŭ, majstar-kłasy i dośvied zamiežža

Na vystavie padrychtavana i šyrokaja prahrama dla śpiecyjalistaŭ meblevaj haliny i dyzajnu interjeru.

Maštabnaje mierapryjemstva dziełavoj prahramy vystavy-kirmašu — biznes-forum «Drevaapracoŭka i mebla Biełarusi», arhanizatarami jakoha vystupajuć Biznes-sajuz pradprymalnikaŭ i najmalnikaŭ imia prafiesara M.S. Kuniaŭskaha i Asacyjacyja pradpryjemstvaŭ meblevaj i drevaapracoŭčaj pramysłovaści Biełarusi pry padtrymcy kancerna «Biellespapierapram», Respublikanskaj lesapramysłovaj asacyjacyi, Biełaruskaj univiersalnaj tavarnaj biržy i Banka Raźvićcia Respubliki Biełaruś. Forum projdzie 13 vieraśnia. Jaho ŭdzielniki ŭ farmatach praktyčnaj kanfierencyi, vorkšopaŭ i biržy dziełavych kantaktaŭ abmiarkujuć stan i pierśpiektyvy źniešnieekanamičnaj dziejnaści biełaruskich pradpryjemstvaŭ drevaapracoŭčaj i meblevaj pramysłovaści.

U miežach dziełavoj prahramy 14 vieraśnia z 11.00 da 17.00 adbudziecca kanfierencyja partniora «Biełekspa» hrupy kampanii ASCOM, na jakoj ekśpierty raskažuć pra novyja instrumienty markietynhu i prodažaŭ na 2019 hod.

Darja Sarmant pradstavić vyniki markietynhavaha daśledavańnia charaktarystyk pavodzinaŭ budučaha pakupnika mebli — pakaleńnia Z, staŭleńnia moładzi da brendaŭ, akcyj i źnižak, da rekłamy, pošuku infarmacyi, vybaru tavaraŭ. Kali heta viedać, to možna vybudoŭvać paśpiachovuju kamunikacyjnuju stratehiju dla budučaha pakupnika.

Vykładčyk škoły IKRA, brend-mieniedžar Ilja Žukaviec raskaža pra efiektyŭnaje prasoŭvańnie meblevaha brenda na prykładach inšych krain. A biznes-kansultant HK Pro Retail Mikałaj Chomič padzielicca dośviedam arhanizacyi raboty z klijentami, raskaža sakrety paśpiachovych prodažaŭ — heta faktyčna biaspłatny majstar-kłas dla pradaŭcoŭ-kansultantaŭ.

Tema vystupu viadomaha ekśpierta Hanny Zabaranok — «Meblevy rytejł: Off-Line & On-Line». Śpiecyjalna dla vystavy było praviedziena markietynhavaje daśledavańnie pavodzinaŭ spažyŭcoŭ pry vybary, dzie kuplać meblu, vynikami jakoha na kanfierencyi i padzielacca ekśpierty rynku.

Jaje dapoŭnić Ihar Žukievič, jaki raskaža pra najnoŭšyja technałohii zboru, analizu i vykarystańnia dadzienych z dapamohaj wi-fi-sensaraŭ. Jon taksama aznajomić śpiecyjalistaŭ haliny z acenkaj efiektyŭnaści rekłamy, pryviadzie prykłady analizu, tarhietavańnia rekłamy ŭ anłajnie.

Maryja Haŭryłava, kiraŭnik adździeła SMM GUSAROV, siertyfikavany śpiecyjalist Google Analytics i Jandeks Mietryki, padzielicca z prafiesijanałami infarmacyjaj pra instrumienty i trendy 2019 hoda i tym, što nie treba rabić u sacsietkach.

Kanfierencyja projdzie ŭ kanfierenc-zale Futbolnaha manieža. Rehistracyja na mierapryjemstva abaviazkovaja praz elektronnuju poštu: [email protected] ci pa telefonie +375 29 617 20 08. Uvachod biaspłatny.

Pa tradycyi ŭ miežach vystavy buduć abvieščanyja pieramožcy adrazu troch konkursaŭ: «Najlepšaje meblevaje pradpryjemstva hoda», pieramožcy Druhoha respublikanskaha konkursu pramysłovaha dyzajnu ŭ meblevaj halinie, a taksama pieramožcy konkursu «Najlepšaja mebla Biełarusi-2017». Jany buduć uznaharodžany 13 vieraśnia ŭ 14.00.

Pavialičyć

Zaprašajem vas uziać udzieł u mižnarodnaj śpiecyjalizavanaj vystavie-kirmašy «Mebla-2018», jakaja projdzie z 12 pa 15 vieraśnia ŭ Futbolnym maniežy (pr. Pieramožcaŭ, 20/2).

Hadziny dla naviedvańnia:

12 vieraśnia — z 12.00 da 19.00; 13, 14 vieraśnia — z 10.00 da 19.00;

Za 15 vieraśnia — z 10.00 da 16.00.

• 0
• 0
• 0
• 0
• 0
• 0
• 0
• 0