Brytanskija navukoŭcy: Čas, praviedzieny dziećmi z hadžetami, nie ŭpłyvaje na son
Pavodle daśledavańnia Oksfardskaha ŭniviersiteta, kožnaja hadzina, jakuju dzicia pravodzić la ekrana hadžeta abo televizara, moža skaračać jaho son ad 3 da 8 chvilin. Na dumku navukoŭcaŭ, heta zanadta maleńkaja zaležnaść, kab kazać pra surjozny ŭpłyŭ ekranaŭ na dziciačy son.
Navukoŭcy Oksfardskaha instytuta internetu praanalizavali vyniki amierykanskaha apytańnia 2016 hoda, u jakim baćki z roznych štataŭ ZŠA adkazvali na pytańni pra svaich dziaciej. Uzrost ich dziaciej - ad šaści miesiacaŭ da 17 hadoŭ. U apytańni źmiaščajecca infarmacyja ab bolš čym 50 tysiačach amierykanskich dziaciej i padletkaŭ.
Baćki adkazvali na pytańnie, kolki ich dzieci pravodziać la ekranaŭ kampjutaraŭ, mabilnych telefonaŭ i inšych hadžetaŭ, a taksama dzialilisia infarmacyjaj pra toje, kolki času ich dzicia tracić na prahlad televizara i videahulniaŭ.
Akazałasia, što tyja dzieci, jakija nie karystajucca hadžetami, śpiać tolki trochi daŭžej, čym tyja, chto pravodzić uvieś čas la ekrana.
Naprykład, padletak, jaki nie karystaŭsia hadžetami ceły dzień, praspaŭ nočču 8 hadzin 51 chvilinu. A toj, chto pratyrčaŭ vosiem hadzin pierad ekranam, spaŭ 8 hadzin 21 chvilinu.
Pa słovach aŭtaraŭ daśledavańnia, baćkam, jakija niepakojacca za son svaich dziaciej, varta źviarnuć uvahu nie na hadžety, a na rehularnaść snu i zafiksavać adzin i toj ž čas dla abudžeńnia i zasynańnia.
Heta moža być značna bolš karysna dla praciahłaści snu, čym zabrać u dziciaci smartfon.
Pry hetym navukoŭcy padkreślivajuć, što hetyja daśledavańni mohuć być niedakładnyja, bo hruntujucca na apytańniach baćkoŭ, jakija mohuć być u čymści subjektyŭnyja.
Daśledavańnie Oksfardskaha ŭniviersiteta ustupaje ŭ supiarečnaść z papularnym śćviardžeńniem, što hadžety niehatyŭna ŭpłyvajuć na dziciačy son.
Amierykanskaja nacyjanalnaja asacyjacyja snu rekamiendavała baćkam zabaraniać dzieciam hulać u hadžety ŭ viačernija hadziny, bo błakitnaje śviatło ekrana nibyta zdolny zatrymlivać vypracoŭku miełataninu — harmona, što adkazvaje za son. Na dumku ekśpiertaŭ asacyjacyi, praźmiernaje vykarystańnie hadžetaŭ moža mieć efiekt «minidžetłahu».
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary