Stała viadoma, chto napisaŭ na naradzie ŭ Łukašenki pierł pra babło i ciołak
Alaksandr Łukašenka pravioŭ naradu ab raźvićci letnich vidaŭ sportu.
Kamiera telekanała ANT pakazała bujnym płanam, što pisaŭ adzin sa spartyŭnych funkcyjanieraŭ padčas pasiadžeńnia: «Babła mała, niama miersiedesaŭ, ciołki na zadnie…»
Čytajcie taksama: «Babła mała, niama miersiedesaŭ, ciołki na zadnie…» Videaapieratar vypadkova źniaŭ, što pišuć čynoŭniki padčas narady ŭ Łukašenki
Miarkujučy pa videazapisach inšych telekanałaŭ, pisaŭ heta Uładzimir Dražyn, były vice-premjer, były pasoł Biełarusi ŭ Litvie. Ciapier jon uznačalvaje fiederacyju holfa.
«Naša Niva» patelefanavała Dražynu i paprasiła prakamientavać hetyja zapisy, a taksama ŭdakładniła, jak skančvajecca jaho niedapisany ŭ kadry tekst.
Dražyn paćvierdziŭ, što byŭ na naradzie ŭ kiraŭnika dziaržavy.
«Ja byŭ na naradzie, i my abmiarkoŭvali vielmi važnyja pytańni, jakija cikaviać siońnia i našaje hramadstva, i spartoŭcaŭ, i trenieraŭ, i hetak dalej. Tamu na niejkija pytańni, jakija vy mnie stavicie, ja siońnia nie adkazvaju, tamu što hałoŭny składnik — stvaralny praces, jaki my pavinny zabiaśpiečyć», — skazaŭ Dražyn.
«Davajcie my razam z vami budziem hetuju liniju praciahvać. A na hetyja pytańni ja siońnia nie reahuju, tamu ja vam žadaju pośpiechaŭ, usiaho charošaha»,
— zaviaršyŭ razmovu spartyŭny funkcyjanier.
***
Uładzimir Dražyn
Naradziŭsia ŭ 1947 u vioscy Dražna Staradarožskaha rajona. Deputat Viarchoŭnaha Savieta 12-ha sklikańnia.
Byŭ staršynioj Niaśvižskaha rajvykankama ŭ 1990—1998 hodach, u 1998-2001 — namieśnik, paśla pieršy namieśnik staršyni Minskaha abłvykankama.
U 2001—2005 — vice-premjer pa sacyjalnych pytańniach. U 2006—2013 pasoł Biełarusi ŭ Litvie.
Kamientary