Biełaruś uvajšła ŭ śpis krain śvietu z samaj nizkaj naradžalnaściu
Papularny resurs Visual Capitalist, abapirajučysia na śviežyja danyja AAN, apublikavaŭ maštabnaje daśledavańnie naradžalnaści va ŭsim śviecie.
Jak adznačajuć aŭtary, siońnia kala 71% nasielnictva śvietu pražyvaje ŭ krainach, dzie kaeficyjent fiertylnaści nižejšy za ŭzrovień zamiaščeńnia (2,1 dziciaci na žančynu). Heta toj minimum, jaki nieabchodny dla padtrymańnia kolkaści nasielnictva biez uliku mihracyi. Kali pakazčyk doŭha trymajecca nižej za hetuju admietku, krainu čakaje stareńnie nasielnictva, deficyt pracoŭnych resursaŭ i zapavoleńnie ekanomiki.
Daśledavańnie Visual Capitalist hruntujecca na danych AAN z abnoŭlenaj spravazdačy World Population Prospects 2024. Pry padlikach vykarystoŭvalisia siarednija prahnoznyja pakazčyki na 2025 hod jak pa kolkaści nasielnictva, tak i pa ŭzroŭni naradžalnaści.
Hetyja źviestki vyjaŭlajuć hłyboki razryŭ pamiž rehijonami śvietu, jaki faktyčna padzialiŭsia na dva demahrafičnyja polusy. Z adnaho boku — Jeŭropa, Paŭnočnaja Amieryka i Uschodniaja Azija, jakija niaŭchilna starejuć. Siońnia navat takija hihanty, jak Indyja (1,94) i ZŠA (1,62), užo nie zabiaśpiečvajuć navat prostaha ŭznaŭleńnia svajho nasielnictva.
U poŭnaj supraćlehłaści im znachodzicca Afryka na poŭdzień ad Sachary. Mienavita hety rehijon stanie hałoŭnym ruchavikom suśvietnaha pryrostu až da 2100 hoda. U toj čas jak raźvityja krainy zmahajucca z demahrafičnym kryzisam, u takich dziaržavach, jak Čad ci Samali, naradžalnaść usio jašče zastajecca na zvyčajna vysokim uzroŭni — kala 6 dziaciej na adnu žančynu.
Dzie znachodzicca Biełaruś?
Biełaruś uvachodzić u top-20 krain z samaj nizkaj naradžalnaściu. Nizki ŭzrovień fiertylnaści ŭ Biełarusi adlustroŭvaje ahulnajeŭrapiejski trend, ale ŭ spałučeńni ź inšymi demahrafičnymi faktarami heta stvaraje surjoznyja vykliki dla budučyni dziaržavy.
Dla paraŭnańnia, samyja nizkija pakazčyki ŭ śviecie zafiksavanyja ŭ: Makaa (0,69), Hankonhu (0,74) i Paŭdniovaj Karei (0,75).
Biełaruś u śpisie z pakazčykam 1,22. Padobny ŭzrovień fiertylnaści ŭ Italii (1,21), AAE (1,21), Maŭrykii (1,21), Litvie (1,22), Japonii (1,23) i Ispanii (1,23).
Varta adznačyć, što ličby biełaruskich navukoŭcaŭ jašče mienš aptymistyčnyja. Letaś dyrektarka Centra čałaviečaha raźvićcia i demahrafii NAN Biełarusi Natalla Jakubickaja pryvodziła bolš tryvožnyja źviestki: sumarny kaeficyjent naradžalnaści pa krainie skłaŭ 1,1, a ŭ Minsku apuściŭsia da krytyčnych 0,6.
Kali hladzieć pa hetym pakazčyku, to Biełaruś budzie ŭ top-10 krain z samaj nizkaj naradžalnaściu.
Pradstaŭnica Akademii navuk raskryła ŭzrovień naradžalnaści ŭ Biełarusi. Jon žachliva nizki
Naradžalnaść u Biełarusi źmienšyłasia za hod jašče na 10,7%. Novaja zakrytaja statystyka Minzdaroŭja
Biełarusam zahadali bolš naradžać i žyć daŭžej. Ale jak vyrašyć prablemy z demahrafijaj?
«Praz pakaleńnie ŭ Afrycy budzie naradžacca pałova ŭsich dziaciej śvietu». Čamu Paŭdniovaja Kareja vymiraje i čym cikavy prykład Izraila
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary