Lidar «Spraviadlivaha śvietu» Siarhiej Kalakin zajaviŭ «Našaj Nivie», što jahonaja partyja budzie ŭdzielničać u vybarach. U jakich, praŭda, pakul nieviadoma.
Siarhiej Kalakin: Vybary pakul nie abvieščany, ale my budziem udzielničać — ja maju na ŭvazie partyju. A jak heta budzie, u jakich vybarach — vyznačym u krasaviku, paśla taho jak Łukašenka skaža, jakija buduć vybary. Prezidenckija, ci parłamienckija, ci choć jakija», — skazaŭ Kalakin.
«Naša Niva»: Ale ŭ 2015 hodzie vy nie zdoleli naźbirać 100 tysiač podpisaŭ, na što vy raźličvajecie ciapier?
SK: Budziem źbirać podpisy!
«NN»: Pa-vašamu, paznavalnaść i zapatrabavanaść vašaj partyi ŭzrasła?
SK: Samaja vysokaja papularnaść! Libieralnyja idei ŭvohule nie karystajucca papularnaściu, moža 5-7% niedzie. A idei sacyjalnaj spraviadlivaści, ravienstva, sacyjalnaj abarony, jany vielmi vysoka kacirujucca!
«NN»: Kolki pracentaŭ spadziajeciesia nabrać?
SK: Nabrać — jak ludzi prahałasuć.
«NN»: Nu ale vy ž tolki što abapiralisia na niejkuju sacyjałohiju, kažučy pra libieralnyja idei.
SK: U nas zabaronienaja sacyjałohija, nichto nie moža abapiracca na jaje. Kali niechta spasyłajecca na niejkuju sacyjałohiju, to jon hadaje na huščy kavy. Jak i nichto nie viedaje, kolki budzie ŭ pratakołach, aproč taho, chto budzie davać kamandu.
«NN»: Karaciej, jak ja zrazumieŭ, vaš asnoŭny praciŭnik — Łukašenka? A bolš niama.
SK: Kaniečnie, inšyja nie supierniki. Heta adziny kankurent. Samy hałoŭny sparynh-partnior — heta ludzi našaj krainy, ź jakimi treba razmaŭlać, danosić im idei. Jakija i pavinny vyrašać, ja nie źbirajusia ni z kim zmahacca.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary