Prezident Turkmienistana Hurbanhuły Bierdymuchamiedaŭ začytaŭ rep. Pračytaŭ jon jaho pra achałtekinskaha žarabca pa mianušcy Rovač (Ščaślivy). Vystup adbyŭsia na śviatočnych skačkach u honar Nacyjanalnaha śviata turkmienskaha kania.
Bierdymuchamiedaŭ nie pieršy raz vykonvaje rep, jamu časta akampaniruje ŭnuk.
A 25 krasavika kiraŭnik Turkmienistana Bierdymuchamiedaŭ źjaviŭsia na publicy ŭ novym vobrazie: pierad uradam u akularach dla zroku, piša turkmienskaja słužba Radyjo Svaboda.
Jak tolki dziaržaŭnaje telebačańnie pakazała prezidenta ŭ akularach, usie miedyjavydańni krainy stali publikavać jaho fotazdymki vyklučna ŭ akularach.
Uśled za hetym dziaržaŭnyja ŚMI pačali publikavać jaho vyjavy tolki ŭ akularach. 26 krasavika dziaržaŭnyja haziety «Turkmienistan» i «Niejtralny Turkmienistan» vyjšli z druku z fota prezidenta ŭ akularach z załatoj apravaj.
Kiraŭnik dziaržavy rehularna źjaŭlajecca na publicy, źmianiajučy pryčosku, koler vałasoŭ, u raznastajnaj vopratcy, a taksama ŭ raznastajnaj abstanoŭcy, ale ŭ akularach dla zroku jašče nie źjaŭlaŭsia.
Z vopytu minułych hadoŭ, kožny raz, kali kiraŭnik dziaržavy mianiaje imidž, pa ŭsioj krainie va ŭsich dziaržaŭnych ustanovach, dziciačych sadkach, škołach, vyšejšych navučalnych ustanovach, i va ŭsich inšych arhanizacyjach niezaležna ad formy ŭłasnaści źmianiajuć i partrety prezidenta. Zamiena prezidenckich partretaŭ ažyćciaŭlajecca za košt supracoŭnikaŭ.
Prezident Bierdymuchamiedaŭ davoli časta źjaŭlajecca na publicy ŭ roznych vobrazach, to jon u spartyŭnaj formie, to ŭ vajskovaj, to jon chodzić u paŭsiadzionnym adzieńni, ale čaściej za ŭsio ŭ aficyjnaj formie adzieńnia. Ale, u toj ža čas, inšyja dziaržaŭnyja čynoŭniki pavinny apranacca ŭ adnolkavuju uniformu, jakaja składajecca z čornaha kaściuma, halštuka i biełaj kašuli.
Kali prezidenta pakazvajuć pa televizary padčas zaniatkaŭ sportam, jon zvyčajna apranuty ŭ biełuju spartovuju formu z roznymi ŭzorami i znakami na hrudziach.
Kamientary