10 červienia ministr unutranych spraŭ Ihar Šunievič padaŭ u adstaŭku, pieradaje BIEŁTA.
«Siońnia ja źviarnuŭsia da kiraŭnika dziaržavy z rapartam ab adstaŭcy, i jon hetuju adstaŭku pryniaŭ, — skazaŭ Ihar Šunievič. — Tak što, spadziajusia na toje, što ja zmahu jašče prynieści karyść našaj dziaržavie ŭ inšaj pasadzie abo na inšaj pracy».
U čym pryčyna takoha rašeńnia?
«Pa-pieršaje, projdzieny vielmi doŭhi i składany šlach pracy ŭ ministerstvie, mnohaje zroblena. I ŭ niejki momant ja pačaŭ razumieć, što treba zabiaśpiečvać peŭnuju dynamiku, pierajemnaść, chutkaść i efiektyŭnaść rašeńniaŭ. I heta dosyć składana — być aktualnym.
Pa-pieršaje, patrebien śviežy pohlad na pracu ministerstva. Pa-druhoje, na samaj spravie, užo dumajučy pra svaju efiektyŭnaść, ja liču, što napeŭna pryjšoŭ čas źmianić rod dziejnaści. Usio-taki dastatkova doŭha ja ŭžo znachodžusia na pasadzie ministra. Moža, voka zamyliłasia, moža być, mnie sapraŭdy treba pasprabavać niešta inšaje. Heta adzinaja matyvacyja, ja jaje vykłaŭ kiraŭniku dziaržavy, kiraŭnik dziaržavy z hetym pahadziŭsia. Adzinaje, što mahu skazać: kali budzie mahčymaść, ja, viadoma ž, praciahnu pracu praź niekatory čas», — skazaŭ zaraz užo były ministr unutranych spraŭ.
Jon nazvaŭ hetaje rašeńnie vyvieranym, pravilnym i svoječasovym.
«Tamu žyćcio praciahvajecca, žadańnie i mahčymaść pracavać jość. Supierekstraardynarnaha ŭ hetaj situacyi ja nie baču absalutna ničoha. Usio raźvivajecca pa śpirali», — adznačyŭ Ihar Šunievič.
«Siadzieć skłaŭšy ruki ja dakładna nie budu, ale, jašče raz padkreślivaju, spadziajusia być karysnym dziaržavie na luboj pasadzie», — dadaŭ jon.
Na pytańnie ab tym, ci zachavaŭ jon pasadu staršyni naziralnaha savieta CHK «Dynama-Minsk», Ihar Šunievič skazaŭ «pakul tak».
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary