Sotni ludziej sabralisia ŭ Kurapatach na Noč rasstralanych paetaŭ FOTY
Niekalki socień ludziej sabralisia siońnia ŭ Kurapatach na Noč rasstralanych paetaŭ.
Jana pravodzicca treci hod zapar u pamiać pra noč z 29 na 30 kastryčnika 1937 hoda, kali saviety rasstralali bolš za 100 dziejačoŭ biełaruskaj intelihiencyi.
Haru padśviacili čyrvonymi pražektarami. Na kryžach pa ŭsim uročyščy zapalili śviečki. Na hary byŭ razhornuty nacyjanalny ściah. Vioŭ viečar pradprymalnik-ciaślar Źmicier Daškievič.
Prysutnyja začytali śpis rasstralanych u hetuju noč. Vystupili dziasiatki śviataroŭ, piśmieńnikaŭ, hramadskich dziejačoŭ. Pieršym pranikniona vystupiŭ Uładzimir Arłoŭ. U liku pieršych vystupiŭ taksama piśmieńnik Alhierd Bacharevič.
Prysutnyja praśpiavali duchoŭny himn «Boža, ja malusia za Biełaruś».
Nahadajem, što noč z 29 na 30 kastryčnika 1937 hoda ŭ sutareńniach minskaj unutranaj turmy NKVD «amierykanki» rasstralali bolš za 100 pradastaŭnikoŭ biełaruskaj intelihiencyi, u tym liku 22 litaratary.
Miarkujecca, što čytańni buduć doŭžycca 3 hadziny.
Ahułam u 1930—1950-ja hady ŭ Biełarusi było represavana kala 600 tysiač čałaviek. Kala 200 tysiač ź ich zahinuli. Jak miarkujecca, kala 30 tysiač rasstralanych pachavana ŭ Kurapatach.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary