Biełaruś i Rasija kanceptualna damovilisia pa enierhanośbitach, ceny vyznačać u najbližejšyja dni. Pra heta Alaksandr Łukašenka zajaviŭ siońnia žurnalistam u Sankt-Pieciarburhu, kamientujučy sustreču z prezidentam Rasii Uładzimiram Pucinym, piša BiełTA.
«Siońnia my daručyli kiraŭnikam hrupy — Krutomu i Areškinu — prainfarmavać pra toje, jakija pytańni źniatyja. Naturalna, zastalisia samyja składanyja pytańni. Ale tolki ŭ ličbach — enierhanośbity. Ale kanceptualna damovilisia, što ŭ budučym hodzie Biełaruś kuplaje ŭ Rasijskaj Fiederacyi prykładna 20 młrd kub.m hazu. Abmiežavańniaŭ tut niama. Možna i 22 młrd kub.m. Z uvodam atamnaj stancyi, viadoma, my na 4-5 młrd kub.m mienš budziem zakuplać. Tamu pa abjomach my damovilisia, i pa nafcie damovilisia, što kupim u Rasii 24-25 młn t nafty. Ceny buduć nie vyšejšyja za ŭzrovień biahučaha 2019 hoda», — zajaviŭ Łukašenka.
Pavodle jaho słoŭ, kankretnyja ceny buduć vyznačany ŭ najbližejšyja dni. «Pa nafcie na praciahu dvuch dzion budzie cana. A pa hazie, dumaju, 2-3 dni. U aŭtorak u «Hazpromie» śpiecyjalisty sustrenucca, i ŭžo buduć kankretnyja ličby. Ale ahułam cana zastajecca na ŭzroŭni biahučaha hoda», — udakładniŭ Łukašenka.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj40
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary