Uciuryn prasiŭ u rasijskaha biznesmiena $300 tysiač na budaŭnictva doma
Były namieśnik dziaržsakratara Savieta biaśpieki Biełarusi Andrej Uciuryn siońnia ŭ sudzie raspavioŭ, što prasiŭ u rasijskaha biznesmiena i svajho byłoha kalehi Vitala Harbačova hrošy na budaŭnictva doma, pieradaje karespandent BiełTA z zały suda.
Viarchoŭny sud praciahvaje pačataje 10 sakavika raźbiralnictva pa šmatlikich faktach atrymańnia i dačy chabaraŭ pry pastaŭkach u Biełaruś telekamunikacyjnaha abstalavańnia, kampjutarnaj techniki i prahramnaha zabieśpiačeńnia. Abvinavačvajucca ŭ atrymańni i pieradačy chabaraŭ 16 čałaviek — 8 słužbovych asob dziaržorhanaŭ i bankaŭ, a taksama 8 pradstaŭnikoŭ kamiercyjnych struktur. Siońnia ŭ budynku suda Maskoŭskaha rajona Minska praciahvajucca dopyty abvinavačanych.
Uciuryn raspavioŭ, što adnojčy ŭ Miensk pryjechaŭ jaho były kaleha Harbačoŭ ź jašče adnym ich ahulnym znajomym. Tady Harbačoŭ raspavioŭ, što zajmajecca biznesam, ale sam u Minsk jeździć časta nie zmoža — jaho intaresy budzie pradstaŭlać Malin.
«Ja paprasiŭ Harbačova pazyčyć hrošaj na pabudovu doma — kala $300 tysiač», — raspavioŭ Uciuryn. Kali heta mienavita adbyłosia, jon nie pamiataje. Pa słovach Uciuryna, jon viedaŭ, što Harbačoŭ dapamahaŭ kaleham: «Adnamu ahulnamu znajomamu daŭ vielmi bujnuju sumu na raźvićcio biznesu». «Maja pamyłka była ŭ tym, što my detalova nie ahavaryli, u jakoj formie budzie dapamoha», — adznačyŭ Uciuryn.
Čytajcie taksama: Jak vyhladaje katedž u Drazdach, jaki naležyć aryštavanamu Andreju Uciurynu FOTAFAKT
Uciuryn taksama dadaŭ, što jon, Harbačoŭ i były načalnik DVP MUS Biełarusi Siarhiej Daroška skončyli adno vajskovaje vučylišča.
Andrej Uciuryn ź vieraśnia 2014-ha pa krasavik 2019 hoda byŭ namieśnikam dziaržsakratara Savieta biaśpieki Biełarusi, ź listapada 2014-ha jašče i členam kalehii MUS. Jak paviedamlałasia, jon abvinavačvajecca ŭ atrymańni nie mienš jak $9 tysiač ad Tomčanki, $183 tysiač — ad Kazancava i Harbačova. Akramia hetaha jamu pradjaŭlenaje abvinavačvańnie ŭ padbuchtorvańni Kazancava da dačy chabaru hiendyrektaru «Biełtelekama» Sivadziedavu. Svaju vinu jon pryznaje całkam.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary