Ministr zdaroŭja zahadaŭ vypisać chvorych na karanavirus u lohkaj formie i lačyć ich doma
Fota Nadziei Bužan
Ministerstva achovy zdaroŭja Biełarusi vydała zahad ab miedycynskaj dapamozie pacyjentam, chvorym na COVID-19 u lohkaj formie i z tak zvanaj niešpitalnaj pnieŭmanijaj, źviartaje ŭvahu «Radyjo Svaboda».
U adpaviednaści z dakumentam, špitalam zahadana:
- Zaćvierdzić paradak chatniaj dapamohi pacyjentam ź niaciažkaj formaj pnieŭmanii, nie źviazanaj ź infekcyjaj COVID-19, a taksama pacyjentam z karanavirusam u ambułatornych umovach;
- Načalnikam upraŭleńniaŭ achovy zdaroŭja vykankamaŭ, hałoŭnym dziaržaŭnym sanitarnym daktaram abłaściej i Minska zahadana vypisvać kantaktaŭ pieršaha ŭzroŭniu ź lakarniaŭ u ambułatornyja ŭmovy. U tym liku, kali jašče niama vyniku łabaratornaha daśledavańnia, zroblenaha na siomy dzień ad kantaktu z nośbitam infiekcyi COVID-19;
- Arhanizavać dapamohu kantaktam pieršaha ŭzroŭniu, vypisanym sa špitalaŭ dla dalejšaha lačeńnia ŭ ambułatornych umovach, rabić łabaratornyja daśledavańni ŭ vyznačanyja terminy;
- Arhanizavać dapamohu pacyjentam ź infiekcyjaj COVID-19 bieź simptomaŭ i ź lohkim ciačeńniem chvaroby ŭ ambułatornych umovach;
- Akazać miedycynskuju dapamohu ŭ chatnich umovach pacyjentam ź niešpitalnaj pnieŭmanijaj u niaciažkaj formie;
- Zabiaśpiečyć miedrabotnikaŭ, jakija dapamahajuć pacyjentam ź infiekcyjaj COVID-19 i ź niešpitalnaj pnieŭmanijaj u ambułatornych umovach, srodkami indyvidualnaj zaściarohi z ulikam epidemijałahičnaj situacyi.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna5
Kamientary