Byłaja radyjoviadučaja i stvaralnica supołki «Chopić bajacca» Taćciana Martynava źjechała ź Biełarusi
Byłaja radyjoviadučaja, uładalnica bara «Piatnica» i stvaralnica hrupy ŭ Facebook «Chopić bajacca» Taćciana Martynava źjechała ź Biełarusi, bajučysia aryštu. Pra heta jana napisała ŭ siabie na staroncy ŭ Facebook.
«Darahija siabry! Heta było niaprostaje rašeńnie, ale zanadta šmat daśviedčanych ludziej napisali mnie, što mienavita siońnia ci maksimum zaŭtra mianie zavinciać, — tłumačyć svoj adjezd Taćciana Martynava. — U mianie byŭ vybar. Ci pryniać zatrymańnie, ci źjechać z RB i praciahnuć toje, što ja siońnia liču važnym i patrebnym. Ja sutki dumała. I potym vyrašyła, što zmahu być bolš karysnaj na voli. Ja ŭžo ad samaj ranicy za miežami Biełarusi», — raskazała Martynava.
Pavodle jaje słoŭ, Martynavu ŭžo siońnia chacieli zatrymać.
Napiaredadni ŭ bar, jakim vałodaje Taćciana Martynava, pryjšła pravierka ź siłavikami. Na pradprymalnicu skłali dva pratakoły.
Taćciana Martynava taksama paabiacała i dalej, užo z-za miažy, maderavać hrupu «Chopić bajacca», u jakoj znachodziacca dziasiatki tysiač čałaviek. Apošnim časam tam aktyŭna abmiarkoŭvajuć padziei ciapierašniaj vybarčaj kampanii.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ20
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary