Былая радыёвядучая і стваральніца суполкі «Хопіць баяцца» Таццяна Мартынава з'ехала з Беларусі
Былая радыёвядучая, уладальніца бара «Пятніца» і стваральніца групы ў Facebook «Хопіць баяцца» Таццяна Мартынава з'ехала з Беларусі, баючыся арышту. Пра гэта яна напісала ў сябе на старонцы ў Facebook.
«Дарагія сябры! Гэта было няпростае рашэнне, але занадта шмат дасведчаных людзей напісалі мне, што менавіта сёння ці максімум заўтра мяне завінцяць, — тлумачыць свой ад'езд Таццяна Мартынава. — У мяне быў выбар. Ці прыняць затрыманне, ці з'ехаць з РБ і працягнуць тое, што я сёння лічу важным і патрэбным. Я суткі думала. І потым вырашыла, што змагу быць больш карыснай на волі. Я ўжо ад самай раніцы за межамі Беларусі», — расказала Мартынава.
Паводле яе слоў, Мартынаву ўжо сёння хацелі затрымаць.
Напярэдадні ў бар, якім валодае Таццяна Мартынава, прыйшла праверка з сілавікамі. На прадпрымальніцу склалі два пратаколы.
Таццяна Мартынава таксама паабяцала і далей, ужо з-за мяжы, мадэраваць групу «Хопіць баяцца», у якой знаходзяцца дзясяткі тысяч чалавек. Апошнім часам там актыўна абмяркоўваюць падзеі цяперашняй выбарчай кампаніі.
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала33
Каментары