Anatol Jarmolenka-małodšy ažaniŭsia z Natallaj Sadoŭskaj, jakaja ŭznačalvaje Asacyjacyju restarataraŭ zamiest Prakopjeva
U subotu, 1 žniŭnia ažaniŭsia ŭnuk narodnaha artysta Anatola Ivanaviča Jarmolenki — Anatol. Vybrańnicaj Anatola-małodšaha stała Natalla Sadoŭskaja, jakaja ciapier uznačalvaje Asacyjacyju restarataraŭ zamiest Vadzima Prakopjeva, piša kp.by.
Mierapryjemstva prachodziła ŭ «Hrand kafe», a skončyłasia ŭ karaokie «Anioły». Na viasielli byŭ znakamity dziadula Anatol Jarmolenka. A voś mama Alesia, jakaja ciapier žyvie na Kipry, pryjechać nie zmahła praz adsutnaść avijaznosin pamiž našymi krainami padčas karanavirusa.
Niaviesta starejšaja za 20-hadovaha žanicha, Natalli 32 hady, i da hetaha jana była zamužam za biznesmienam Paŭłam Hamzovičam. Jana ŭžo maje 6-hadovuju dačku.
Anatola Jarmolenku-małodšaha hledačy bolš viedajuć pad sceničnym imiem DJ Anatol. Jon praciahvaje tvorčuju dynastyju Jarmolenkaŭ. Skončyŭ kaledž mastactvaŭ u Minsku, u jaho była mahčymaść vučycca ŭ Vienskaj kansiervatoryi (siamja niekatory čas žyła ŭ Aŭstryi), ale chłopiec vyrašyŭ viarnucca na radzimu.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary