Cimu Biełaruskich złavili ŭ Minsku z narkotykami i vyzvalili pad zastavu
29 studzienia rasiejskija ŚMI paviedamili, što papularny śpiavak Cima Biełaruskich znachodzicca ŭ Minsku pad chatnim aryštam — nibyta ŭ jaho znajšli 2 kiłahramy hašyšu! Sam Cima heta abvierh. Dzie praŭda?
Unačy 6 studzienia ŭ adnym z hulniavych kłubaŭ Minska zatrymali papularnaha śpievaka Cimu Biełaruskich (sapraŭdnaje proźvišča Marozaŭ). Pry vobšuku ŭ jaho znajšli 0,4 hrama hašyšu, paviedamlaje «Anłajnier».
U dačynieńni da vykanaŭcy chitoŭ «Niezabudka» i «Mokryja krosy» zaviali kryminalnuju spravu pa častcy 1 artykuła 328 Kryminalnaha kodeksa. A jaho adpuścili pad zastavu.
Za zachoŭvańnie narkotykaŭ u Biełarusi mohuć pakarać terminam da 5 hadoŭ (kali vielmi pašancuje, to umoŭna ci z adterminoŭkaj). Ale dastatkova choć adnamu ź siabroŭ dać pakazańni, što jon nabyvaŭ narkotyki ŭ śpievaka, — i heta ŭžo častka 3, raspaŭsiud. Pakarańnie — da 15 hadoŭ kałonii.
Rasijskija ŚMI pieršapačatkova paviedamlali, što artyst trymaŭ doma 2 kiłahramy hašyšu, heta infarmacyja nie paćvierdziłasia.
Sam śpiavak tym časam vykłaŭ viasiołaje videa, raskazvajučy, što ŭ jaho ŭsio dobra.
Ale ž Biełdziaržteleradyjokampanija adkazała na heta, apublikavaŭšy fota śpievaka ź milicyi.
Kamientary