Stvaralnik miesiendžara Telegram Pavieł Duraŭ patłumačyŭ, pa jakoj schiemie karystalnikam budzie prapanoŭvacca rekłama.
U pryvatnych i hrupavych čatach nikoli nie źjavicca rekłama, abiacaŭ jon. Biznesmien adznačyŭ, što pakaz rekłamy zakranie masavyja publičnyja Telegram-kanały, pabudavanyja pa pryncypie viaščańnia «adzin da mnohich», kolkaść padpisčykaŭ jakich moža dasiahać miljonaŭ i jakija «majuć mała ahulnaha z tradycyjnym abmienam paviedamleńniami».
Duraŭ padkreśliŭ, što karystalnickija danyja nie buduć vykarystoŭvacca dla tarhietynhu rekłamy, i nazvaŭ hety sposab zboru asabistych danych amaralnym. Tak, adznačyŭ zasnavalnik miesiendžara, pastupajuć u WhatsApp i Facebook. «Nam padabajecca padychod servisaŭ, jakija kłapociacca ab pryvatnaści, takich jak DuckDuckGo: manietyzacyja biez zboru infarmacyi pra karystalnikaŭ. Takim čynam, kali my ŭvodzim rekłamu pa kanałach «adzin da mnohich», jana budzie kantekstnaj — na asnovie temy kanała, a nie na asnovie niejkich karystalnickich danych», — zajaviŭ Duraŭ.
«Karystalniki zmohuć admovicca ad rekłamy, ale ja liču, što rekłama z ulikam pryvatnaści — heta dobry sposab dla ŭładalnikaŭ kanałaŭ manietyzavać svaje namahańni ŭ jakaści alternatyvy danatam abo padpiskam, jakija my taksama raspracoŭvajem, kab prapanavać im», — rastłumačyŭ jon.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj22
Kamientary