Apielacyjny sud u Italii admoviŭ u ekstradycyi biełaruski, jakuju zatrymlivali pa ordary Interpała
Na pačatku lutaha Karynu Zdanievič-Spychalskuju zatrymali ŭ aeraporcie pa ordary na aryšt, vydadzienym u 2021 hodzie namieśnikam prakurora Bresta.
Apielacyjny sud Brešyi adchiliŭ zapyt Biełarusi ab ekstradycyi hramadzianki Biełarusi i Polščy Karyny Zdanievič-Spychalskaj. Jana była zatrymanaja ŭ lutym pa ordery Interpała, piša Reform.news.
«Ja dziakuju sudździam za razumieńnie situacyi i za toje, što jany dazvolili mnie viarnucca ŭ Polšču, krainu, dzie prajšło ŭsio majo žyćcio i dzie žyvuć maje dvoje dziaciej. Z dapamohaj hetych ordaraŭ na aryšt, vydadzienych Interpałam, Biełaruś pieraśleduje tych, chto vystupaje suprać režymu, i nastupnym krokam pavinna stać ich admiena, kab praduchilić paŭtareńnie takoj situacyi ŭ budučyni», — skazała jana vydańniu Il Giorno.
Na pačatku lutaha Karynu zatrymali ŭ aeraporcie Orjo-al-Serya pa ordary na aryšt, vydadzienym u 2021 hodzie namieśnikam prakurora Bresta. Joj inkryminujecca «naŭmysnaja ekanamičnaja niesumlennaść», h. zn. bankructva, nibyta ździejśnienaje ŭ 2017—2018 hadach. Žančyna źviazvaje hety ordar sa svajoj palityčnaj aktyŭnaściu ŭ 2020 hodzie.
Karyna praviała 5 dzion u turmie ŭ Bierhama, zatym žyła ŭ znajomych u Miłanie pad abaviazacielstva źjaŭlacca na vykliki. U siaredzinie maja mieru strymańnia dla jaje anulavali, i jana viarnułasia da siamji ŭ Polšču. Ale ŭ jaje zastavalisia abaviazki prychodzić na sudovyja słuchańni.
11 červienia razhlad jaje spravy ŭ italjanskim sudzie skončyŭsia admovaj u ekstradycyi.
Na pasiadžeńni razam z Karynaj Zdanievič-Spychalskaj prysutničała vice-konsuł Polščy ŭ Miłanie Eva Adamčyk.
Akramia taho, jurysty biełaruskich demsił pradstavili sudu zaklučeńnie, u jakim havaryłasia, što ŭ vypadku ekstradycyi žančyna sutykniecca z «katavańniem, biesčałaviečnym abo prynižajučym hodnaść abychodžańniem i pieraśledam za svaje palityčnyja pohlady».
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Kamientary
Navat kali sapraŭdy jana pamachała adnojčy ściaham za miažoj u 2020 dziela fotački, to jakaja niebiaśpieka dla ŭłady ŭ Biełarusi ad taho?
Jak pasłuchać hetych prajdziśvietaŭ, dyk kožny druhi byŭ aktyvistam.
Ahidna