Amierykanskaja kampanija stvaryła pryładu, jakaja vyłoŭlivaje karanavirus z pavietra
Amierykanskaja kampanija Thermo Fisher Scientific sa štata Masačusets, jakaja zajmajecca vytvorčaściu łabaratornaha abstalavańnia i materyjałaŭ, raspracavała pryładu dla adboru prob pavietra, kab znachodzić čaścicy karanavirusa ŭ zakrytych pamiaškańniach.
Probaadbornik pavietra nazyvajecca AerosolSense. Na hetym tydni pryłada ŭžo źjaviłasia ŭ prodažy. Pa pamiery probaadbornik krychu bolšy za tostar, tamu jaho zručna raźmiaščać u ofisach, balnicach, škołach i inšych ustanovach, paviedamlaje The New York Times.
AerosolSense vykarystoŭvajecca dla vyjaŭleńnia pavietrana-kropielnych patahienaŭ, u tym liku karanavirusa. Pryłada aŭtamatyčna biare proby pavietra z pamiaškańnia i nazapašvaje ich u admysłovym kartrydžy. Zatym hety kartrydž štodnia adpraŭlajecca na łabaratorny analiz, što dapamahaje vyjavić ślady virusa ŭ pamiaškańni.
AerosolSense kaštuje prykładna $5 tysiač. Heta nie pieršy probaadbornik pavietra, bo za apošni hod navukoŭcy vykarystoŭvali i inšyja madeli, kab vyjaŭlać karanavirus u pavietry. Adnak, na dumku ekśpiertaŭ, AerosolSense najbolš dastupny i zručny.
Probaadborniki pavietra ŭžo šyroka vykarystoŭvajucca dla vyjaŭleńnia ŭ pavietry zabrudžvalnych rečyvaŭ. Adnak vychapić virusy z pavietra značna składaniej, bo virusnyja aerazoli vielmi maleńkija. Tamu probaadbornikam nieabchodna ŭciahvać bolš pavietra, kab zachapić čaścicy virusa. Ale navat u takim vypadku jość vierahodnaść, što virusnyja čaścicy mohuć znachodzicca na bolš nizkich uzroŭniach, što nie vyjavić probaadbornik.
AerosolSense raspracavany tak, kab jon byŭ maksimalna prosty ŭ prymianieńni. Pryłada składajecca z kalektarnaj truby, jakaja ŭciahvaje pavietra i nakiroŭvaje jaho da źmiennaha kartrydža. Kartrydž padobny da nievialikaha špryca, unutry jakoha znachodzicca pienapadobnaje rečyva, što zatrymlivaje virusnyja čaścicy.
Praź niekalki hadzin kartrydž vymajecca i adpraŭlajecca ŭ łabaratoryju na anliz, dzie z dapamohaj polimieraznaj łancuhovaj reakcyi vyznačajecca, ci prysutničaje ŭ pavietry hienietyčny materyjał karanavirusa.
Kali virus prysutničaje ŭ pavietry, to arhanizacyi buduć viedać, što nieabchodna prymać miery pa ŭzmacnieńni biaśpieki, siarod jakich uzmocnienaja vientylacyja, adsočvańnie kantaktaŭ i dezynfiekcyja pamiaškańnia.
Bolš za toje, probaadbornik pavietra dazvolić navukoŭcam jašče bolš daskanała daśledavać virusnyja aerazoli.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary