Bajpoł: Zajcava źniali za toje, što sprabavaŭ pastavić prasłuchoŭku ŭ kabiniecie Vakulčyka. Što kažuć krynicy?
Inicyjatyva Bajpoł raskazała pra historyju pačatku 2010-ch, jakaja nibyta pryviała da adstaŭki tahačasnaha kiraŭnika KDB Vadzima Zajcava. Adznačajecca, što supracoŭniki KDB sprabavali pastavić prasłuchoŭku ŭ kabiniecie Valeryja Vakulčyka — tahačasnaha kiraŭnika Śledčaha kamiteta. U vyniku pravału apieracyi Zajcaŭ straciŭ pasadu, i jakraz na karyść Vakulčyka.
Historyja mahła adbycca ŭ 2012-m hodzie i, imavierna, jana praŭdzivaja.
Krynicy «Našaj Nivy», jakija pracavali ŭ toj čas u śledčych orhanach, paviedamili, što čuli padobnyja plotki.
Jany adznačajuć, što niaŭdałych ahientaŭ vydali ślady, jakija viali prosta da kabinieta Vakulčyka — maŭlaŭ, niezadoŭha da taho Śledčy kamitet pierajechaŭ u novy budynak, praciahvalisia apošnija adździełačnyja raboty. I niechta ź dziažurnych zranku źviarnuŭ uvahu na dziŭnyja ślady na padłozie z budaŭničaha śmiećcia i pryjšoŭ da vysnovy, što ŭnačy ŭ budynku byli niaprošanyja hości.
Na naradzie ŭ Łukašenki praź niekalki dzion prahučała hetaja historyja, i Zajcava adstavili.
Navošta Zajcavu treba było toje prasłuchoŭvańnie? Nibyta jon chacieŭ pravieryć, ci stanie Vakulčyk dapamahać dalokamu svajaku, jaki zajmieŭ prablemy z zakonam.
Ahułam Zajcava ŭspaminajuć jak čałavieka, schilnaha da intryh u dačynieńni da načalnikaŭ inšych viedamstvaŭ. Jon spryčyniŭsia da zakataŭ karjer i byłoha kiraŭnika MUS Navumava, i kiraŭnika Pahrankamiteta Račkoŭskaha.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia27
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary