Siońnia na Bierlinale premjera filma pra biełaruskija pratesty. Pryjeduć Cichanoŭskaja i Aleksijevič
Druhaja častka Bierlinskaha mižnarodnaha kinafiestyvalu — z publičnymi pakazami i čyrvonymi darožkami — pačałasia 9 červienia. Siońnia tut adbudziecca premjera dakumientalnaj karciny «Śmiełaść» Alaksieja Pałujana pra žnivieńskija padziei ŭ Biełarusi. Režysior paviedamiŭ «Našaj Nivie», što haściami Bierlinale z hetaj nahody stanuć Śviatłana Cichanoŭskaja i Śviatłana Aleksijevič.
Anłajn-pakaz «Śmiełaści» dla prafiesijanałaŭ śfiery adbyŭsia na Bierlinale jašče ŭ sakaviku. Paśla film pakazali na šerahu kinafiestyvalaŭ u Šviejcaryi, Danii, Aŭstryi i Polščy. Na Bierlinskim feście karcina demanstrujecca ŭ prestyžnaj siekcyi Berlinale Special, jana taksama naminavanaja na ŭznaharodu «Najlepšy dakumientalny film».
Pavodle Alaksieja Pałujana, pierad premjeraj «Śmiełaści» na placoŭcy Bierlinale adbudziecca panelnaja dyskusija pra rolu mastaka ŭ aŭtarytarnaj sistemie «Kultura i palityka ŭ Biełarusi». U razmovie prymuć udzieł Śviatłana Cichanoŭskaja, Śviatłana Aleksijevič, niamieckaja pradziusarka, što pracavała ŭ Rasii, Simona Baŭman i sam Alaksiej. Śpikiery stanuć i haściami kinapakazu, da ich taksama dałučycca Taćciana Chomič, jakaja simvalična padmienić siastru Maryju Kaleśnikavu.
«Śmiełaść» zdymałasia z 2018 hoda, ale bolšuju jaho častku ŭ vyniku zaniaŭ žnivień minułaha hoda ŭ Minsku. Karcina raspaviadaje pra troch biełaruskich artystaŭ, što žyvuć i pracujuć u biełaruskich umovach. Usie troje — aktrysa Svabodnaha teatra Maryna Jakubovič, a taksama akciory Svabodnaha teatru i muzyki hurta «Raźbitaje serca pacana» Dzianis Tarasienka i Pavieł Haradnicki — u vyniku źjechali z krainy. Maryna Jakubovič, Pavieł Haradnicki i zdymačnaja kamanda taksama buduć na bierlinskaj premjery.
-
Dziaŭčyna z Estonii 6 hadoŭ vučycca ŭ Biełarusi na miedyka. Ale ciapier jaje mara stać chirurham pad pahrozaj
-
U źlitaj razmovie siłaviki abmiarkoŭvajuć, jak adsočvajuć ludziej pa łakacyi mabilnaha telefona. Nadziejna schavacca ź im składana
-
Kasy samaabsłuhoŭvańnia patrabujuć biełarusaŭ skanavać adrazu dva kody. Što adbyvajecca?
Kamientary