Žurnalistu Andreju Alaksandravu vystavili abvinavačvańnie ŭ zdradzie dziaržavie
Žurnalistu i miedyjamieniedžaru Andreju Alaksandravu 30 červienia vystaŭlena novaje abvinavačańnie — pa č. 1 art. 356 Kryminalnaha kodeksa (zdrada dziaržavie). Pra heta paviedamiŭ BiełaPAN jahony advakat Anton Hašynski. Takim čynam, Alaksandravu pahražaje ad 7 da 15 hadoŭ pazbaŭleńnia voli.
Raniej Alaksandrava abvinavacili pa č. 1 i 2 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich). Maksimalny termin utrymańnia pad vartaj pa hetym artykule — šeść miesiacaŭ. Jon zakančvajecca 12 lipienia.
Andrej Valerjevič Alaksandraŭ — biełaruski žurnalist i miedyjamieniedžar.
Jon byŭ zatrymany 12 studzienia 2021 h. supracoŭnikami MUS. Razam ź im była zatrymanaja jaho dziaŭčyna Iryna Złobina, ź jakoj jon razam žyvie.
15 studzienia ŭ aficyjnym paviedamleńni namieśnik ministra ŭnutranych spraŭ Respubliki Biełaruś Hienadź Kazakievič zajaviŭ, što Alaksandraŭ i Złobina byli zatrymanyja «pa padazreńni ŭ finansavańni pratesnaj dziejnaści». Pa jahonych słovach, Alaksandraŭ i Złobina sa žniŭnia 2020 hoda zajmalisia finansavańniem asobaŭ, jakija brali ŭdzieł u pratestach u Minsku, u tym liku šlacham apłaty štrafaŭ i kampiensavańniem srodkaŭ na ŭtrymańnie ŭ CIP i IČU.»
Pavodle paviedamleńnia MUS, Alaksandraŭ z 22 žniŭnia pa 9 listapada apłaciŭ 250 štrafaŭ. Śpisy i hrošy na apłatu štrafaŭ Alaksandravu pieradavaŭ fond BY Help.
Abodvuch zatrymanych źmiaścili ŭ IČU na Akreścina. Adtul Alaksandrava pieraviali ŭ SIZA-1.
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka8
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary