Tak vyhladali kvatery paśla vobšukaŭ 8 lipienia. U toj dzień byli zatrymanyja čaćviora našych kaleh: hałoŭny redaktar Jahor Marcinovič, kiraŭnik adździeła rekłamy i markietynhu Andrej Skurko, hałoŭny redaktar časopisa «Naša historyja» Andrej Dyńko i hałoŭny buchhałtar Volha Rakovič. Dvoje — Marcinovič i Skurko — zastajucca za kratami, 28 lipienia im było vystaŭlena abvinavačvańnie.
Trahičnym simvałam staŭ biust zasnavalnika «Našaj Nivy» Ivana Łuckieviča. Jaho raźbili na kavałki.
Banier «Naša Niva» razarvali. Kadr hetaha vandalizmu zachoplena tyražavali prałukašenkaŭskija telehram-kanały.
Razarvali i vokładku adnaho z daŭnich numaroŭ «Našaj Nivy».
Šafa paśla pieratrusu.
Na stały vykładali i fatahrafavali toje, što im zdavałasia padazronym.
Naprykład, voś hetyja knihi.
A tut ich uvahu pryciahnuła stužka z arnamientam.
Biblijateka Andreja Dyńko paśla pieratrusu: knihi zvalenyja stosami.
Dom Andreja Skurko paśla pieratrusu.
U časie pieratrusu ŭ buchhałteryi byli vyniatyja dakumienty pradpryjemstva, taksama zabranyja kampjutar i telefon hałoŭnaj buchhałtarki Volhi Rakovič. Doma ŭ jaje taksama praviali pieratrus.
U sieradu 28 lipienia skončyłasia 10 sutak z momantu paŭtornaha zatrymańnia našych kaleh pa kryminalnaj spravie, na praciahu jakich śledstva pavinna było vystavić abvinavačvańnie. Hałoŭnaha redaktara Jahora Marcinoviča i kiraŭnika adździeła rekłamy i markietynhu Andreja Skurko nie vyzvalili, jany zastajucca ŭ SIZA na Vaładarskaha. Vynikaje, što im vystavili abvinavačvańnie pa č.2 art.216 KK (naniasieńnie majomasnaj škody biez prykmietaŭ raskradańnia hrupaj asobaŭ).
Sens pretenzij u tym, što apłata za kamunalnyja pasłuhi pamiaškańnia była pa taryfach dla fizasobaŭ, a treba było płacić pa taryfach dla jurasobaŭ. Śledčyja naličyli, što za čatyry hady pradpryjemstvu «Minenierha» byŭ naniesieny ŭron — 3,5 tysiačy rubloŭ. Samo pradpryjemstva z pretenzijami nikoli nie źviartałasia.
Našaniŭcy pryznanyja palitviaźniami. Jahor Marcinovič pry zatrymańni byŭ źbity, u Śledčym kamitecie jamu vylikali chutkuju dapamohu. Andrej Skurko chvory na dyjabiet, u SIZA jon adrazu trapiŭ u miedčastku — u jaho znajšli pnieŭmaniju, vierahodna, kavidnaha pachodžańnia. Dla dyjabietykaŭ kavid śmiarotna niebiaśpiečny.
Padtrymajcie našanicaŭ listom! Pišycie na adras: 220030, h. Minsk, vuł. Vaładarskaha, 2, SIZA-1.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary