Narviežskaja kampanija Yara spynić zakupku kalijnych uhnajeńniaŭ u Biełarusi da 1 krasavika
Mižnarodnyja sankcyi zrabili niemahčymym praciah handlu. Pra heta paviedamlajecca ŭ zajavie kampanii. Spynieńnia supracoŭnictva narviežskaj kampanii z «Biełaruśkalijem» damahałasia biełaruskaja apazicyja.
«Nastupstvy ciapierašnich sankcyj dla Biełarusi źnižajuć zdolnaść Yara stanoŭča ŭpłyvać na biaśpieku i dabrabyt rabotnikaŭ «Biełaruśkalija». Dla Yara heta niesuciašalnaje raźvićcio padziej. My pa-raniejšamu ćviorda addanyja biaśpiecy i dabrabytu rabotnikaŭ «Biełaruśkalija».
Niahledziačy na spynieńnie pastavak kalijnych uhnajeńniaŭ, Yara imkniecca praciahnuć prahramu pramysłovaj biaśpieki, inicyjavanuju ŭ 2021 hodzie, u ciesnym supracoŭnictvie ź niezaležnym prafsajuzam AAT «Biełaruśkalij» i ŭ poŭnaj adpaviednaści z sankcyjami, što prymianiajucca», — kaža Śviejn Tore Chołseter, prezident i hienieralny dyrektar Yara International.
Yara — najbujniejšy suśvietny vytvorca ŭhnajeńniaŭ. Biełaruskaja kalijnaja kampanija źjaŭlajecca adnym ź dzieviaci jaho klučavych pastaŭščykoŭ. Yara — hałoŭny partnior «Biełaruśkalija».
Štab Cichanoŭskaj nastojliva damahaŭsia spynieńnia hetaha supracoŭnictva. Tydzień tamu ŭ najbujniešym narviežskim vydańni Śviatłana Cichanoŭskaja apublikavała artykuł, dzie raskrytykavała kiraŭnictva pradpryjemstva Yara za supracoŭnictva z «Biełaruśkalijem» i takim čynam padtrymańnie biełaruskaha režymu.
Cichanoŭskaja apublikavała artykuł u samaj papularnaj haziecie Narviehii. Piša pra poŭnuju nieabaronienaść pracoŭnych u Biełarusi
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Kamientary