Karbalevič: Samaje paradaksalnaje, što hetaja Kanstytucyja nie patrebnaja nikomu: ni namienkłatury, ni hramadstvu, ni apazicyi
Palitołah Valer Karbalevič razvažaje pra asablivaści «narodnaha» abmierkavańnia prajekta Kanstytucyi, jaje «važnaść» dla krainy, ale prychodzić da dumki, što refierendum usio ž budzie.
18 studzienia na naradzie ŭ Łukašenki razhladali vyniki «ŭsienarodnaha abmierkavańnia» novaj Kanstytucyi. Tut varta źviarnuć uvahu na daty.
Prajekt Kanstytucyi byŭ apublikavany 27 śniežnia. Takim čynam, na abmierkavańnie dakumienta, jaki dziaržaŭnyja miedyja abviaścili «histaryčnym», narodu dali tolki try tydni. Choć by miesiac adviali dla prystojnaści.
I, što asabliva varta padkreślić, — jakija heta byli tydni! Novy hod, Kalady, stary Novy hod. Ludzi śviatkavali ci rychtavalisia da śviataŭ. Tolki dzivaki mahli ŭ hety čas zamiest śviatočnaha stała vyvučać prajekt Kanstytucyi.
Pra źmiest «usienarodnaha abmierkavańnia» i havaryć nie varta. Voś 4 studzienia ŭ vioscy Cierucha Homielskaha rajona milicyja zatrymała 68-hadovaha Mikałaja Vicikava, jaki vyrašyŭ paŭdzielničać u hetym samym «abmierkavańni» i «nielicieprijatno» vykazaŭsia pra Usiebiełaruski narodny schod. Piensijanieru pahražaje da piaci hadoŭ turmy.
To-bok ułady nie zdoleli navat zrabić imitacyju «ŭsienarodnaha abmierkavańnia».
Heta aznačaje, što ich mała cikavić lehitymnaść pracesu kanstytucyjnaj reformy. Abo prosta pa-inšamu jany ŭžo pracavać nie ŭmiejuć.
Čytajcie taksama: «Jak u Amierycy nam nie treba». Što kažuć padčas «usienarodnaha» abmierkavańnia Kanstytucyi ŭ rehijonach
Łukašenka svajo staŭleńnie da kanstytucyjnaj reformy vykazaŭ na naradzie ŭ takoj frazie: «Kali ŭžo ščyra, to mnie hety praces absalutna nie patrebny». I ŭ heta možna pavieryć. Kali jon admoviŭsia ad tranzitu ŭłady i nie źbirajecca sychodzić, to sensu ŭ pryniaćci novaj Kanstytucyi niama nijakaha. Bolš za toje, jana stvaraje dla jaho šerah prablem.
Samaje paradaksalnaje palahaje ŭ tym, što hetaja Kanstytucyja siońnia nie patrebnaja nikomu: ni namienkłatury, ni hramadstvu, ni apazicyi. Nie dziva, što čynoŭniki, jakija prychodzili na schody ŭ pracoŭnyja kalektyvy, nie mahli ŭciamna patłumačyć, navošta prymajecca novy Asnoŭny Zakon. Takaja redkaja źjava, kali ŭ palityčnaje žyćcio zapuskajecca absalutna biessensoŭny prajekt. Byccam zapuskajuć na arbitu štučny spadarožnik Ziamli, i jon pačynaje žyć svaim ułasnym žyćciom.
Jak paviedamiŭ kiraŭnik Administracyi prezidenta Ihar Sierhiejenka pa vynikach narady, adkarektavanyja bolš za 30 artykułaŭ prajektu Kanstytucyi. Nie vyklučana, što tam buduć važnyja źmieny. Mahčyma, pad upłyvam padziejaŭ u Kazachstanie.
Z narady možna zrabić vysnovy, što «ŭ bližejšy čas» (musić, u studzieni) Łukašenka vystupić z pasłańniem u Nacyjanalnym schodzie,
a ŭ lutym usio ž adbudziecca refierendum.
«Kucharka abo kłoŭn nie pavinny pretendavać na vysokuju pasadu». Sierhiejenka ahučyŭ «narodnyja» prapanovy ŭ Kanstytucyju
Ci zmoža prezident zajmać pasadu staršyni UNS? Nie, nie zmoža. Ale Łukašenka — zmoža
«Łukašenka budzie dumać ab tym, što rabić z novaj kanfihuracyjaj ułady, kali pabuduje jaje». Highlights ź intervju Arcioma Šrajbmana
-
Kavieryn: U mianie raście dačka, i ja chacieŭ by, kab jana žyła, chutčej, u tym śviecie, jaki ŭjaŭlajuć sabie idealnym fieministki
-
Paŭlučenka pra viartańnie Pačobuta: «Punkt bifurkacyi, paśla jakoha šmat źmienicca»
-
Fiaduta pra pomnik Paskieviču ŭ Homieli: Čyhunnaj nahoj stanie na miažy z Ukrainaj, demanstrujučy, što ŭžo biełaruskuju ziamlu Pieciarburh nie addaść
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary