Na dačku Paŭła Łatuški zaviedzienaja kryminalnaja sprava, jaje kvatera aryštavanaja
Departamient finansavych rasśledavańniaŭ zavioŭ kryminalnuju spravu ŭ dačynieńni da Jany Łatuški, dački kiraŭnika Narodnaha antykryzisnaha kiraŭnictva, byłoha ministra kultury Paŭła Łatuški. Paviedamlajecca, što jaje kvatera aryštavanaja.
Heta adbyłosia akurat padčas pasłańnia Alaksandra Łukašenki.
Infarmacyju paćvierdziŭ u Instahramie sam Pavał Łatuška:
— Sapraŭdy, mienavita padčas jaho vystupu supracoŭniki Kamiteta finansavych rasśledavańniaŭ i Kamiteta Dziaržkantrolu źviarnulisia i paviedamili pra zaviedzienuju kryminalnuju spravu. Jakija abvinavačvańni vystaŭlenyja, nie skazali. Paźniej my daviedalisia, što nakładzieny aryšt na kvateru majoj dački. Heta kvatera maich baćkoŭ, jakuju jany atrymali jašče za savieckim časam.
Dačce Paŭła Łatuški 28 hadoŭ, jana žyvie ŭ Polščy.
Jak skazała Radyjo Svabodzie Jana Łatuška, joj nieviadoma, pa jakoj pryčynie na jaje zaviali kryminalnuju spravu.
«Nijakich supraćpraŭnych dziejańniaŭ ja nie ździajśniała. Tak, ja ŭdzielničaju ŭ akcyjach, jakija prachodziać u Polščy, vystupaju suprać hvałtu, za spraviadlivaść. Ja — dačka svajho baćki i padtrymlivaju jaho»,
— kaža Jana.
Aryštavanaja kvatera 1985 hoda pabudovy, płoščaj 63 kvadratnyja mietry. Baćka padaryŭ jaje dačce na 18-hodździe.
Ciapier čytajuć
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju18
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary