Hałoŭčanka: Biełaruś pabuduje terminał u Leninhradskaj vobłaści «supierstachanaŭskimi» tempami
Minsk i Maskva zaviaršajuć pieramovy ab ilhotnych taryfach na pieravałku biełaruskich hruzaŭ. Pra heta ŭ prahramie «Vopros nomier odin» na telekanale «Biełaruś 1» zajaviŭ premjer Raman Hałoŭčanka.
Hałoŭčanka zapeŭniŭ, što Biełaruś pabuduje svoj terminał u Leninhradskaj vobłaści «supierstachanaŭskimi» tempami, bo prosta «stachanaŭskija» zadoŭhija:
«Tamu što takoha rodu my voś naviedali adzin z partoŭ u Pieciarburhu, nam skazali, što jaho budavali stachanaŭskimi tempami. Značyć, z maksimalnym napružańniem usich siłaŭ, dniom i nočču, — heta zaniało 4 hady. Ale ŭ nas takoha času niama, tamu budziem pracavać nie prosta jak stachanaŭcy, a supierstachanaŭcy i vyjdziem na patrebny dla Biełarusi vynik».
Pry hetym jon adznačyŭ, što nibyta i ciapier možna adhružać tavary praz najaŭnyja rasijskija party:
«Tamu što ŭ nas tam dastatkova terminałaŭ. I ŭ Pieciarburhu, i ŭ Leninhradskaj vobłaści, kali havaryć u cełym — i na poŭnač, u bok Murmanska. Tamu mahčymaści dla pieravałki biełaruskich tavaraŭ isnujuć», — zapeŭniŭ jon.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary