Ekśpierty razvažajuć pra toje, što čakaje Biełaruś i Rasiju paśla vajny.
U novym filmie «NN» rasijski palityk, suzasnavalnik Forumu svabodnaj Rasii Ivan Ciutryn vykazvaje spadzieŭ ab padzieńni pucinskaha režymu paśla parazy ŭ vajnie.
«Ja spadziajusia, što adbudziecca poŭnaje pieraradžeńnie rasijskaj dziaržavy na inšych pryncypach. Najpierš heta viartańnie ŭsich akupavanych ukrainskich terytoryj i vypłata reparacyj, adnaŭleńnie za košt paduški rasijskich hrošaj usioj razburanaj ukrainskaj infrastruktury».
Pucin ni za što i nikoli nie admovicca ad ułady, miarkuje rasijski pravaabaronca, siabra rady likvidavanaha pravaabarončaha centra «Miemaryjał» Siarhiej Davidzis.
«Jon nikoli nie pryznaje svaju pamyłku i svaju parazu.
Nu, voś niama mahčymaści zavajavać Ukrainu — choć niekatoryja ekśpierty kažuć, što jon zdolny prymianić zbroju masavaha paražeńnia dla taho, kab pierałamać chod vajny na svaju karyść, i hetaha vyklučać taksama nielha. Jak heta kažuć pra pacuka, zahnanaha ŭ kut? Jon siabie, mnie zdajecca, usprymaje takim pacukom u tym sensie, što jon nie moža sabie dazvolić paciarpieć parazu.
Moža być, jon abmiažujecca ŭklučeńniem «DNR», «ŁNR» u skład Rasii, zabaronami ŭsiaho zamiežnaha, nu boh jaho viedaje. Jość, napeŭna, varyjant niejkaha abaznačeńnia simvaličnaj pieramohi, i truby prapahandy buduć kazać: my vyjhrali. Jany i ciapier kažuć, što voś, my zaviaršyli apieracyju pad Kijevam i Čarnihavam, tamu što dasiahnuli svaich metaŭ. I ciapier narešcie zojmiemsia Danbasam.
Ci zadavolić heta jaho? Zrazumieła, što heta naŭrad ci budzie ŭspryniata ŭ poŭnym sensie jak pieramoha, prynamsi častkaj hramadstva. Skazać, što jaho prahoniać za parazu niejkija tam elity — heta małavierahodna. Vybudavanaja takaja kanstrukcyja, dzie jaho niemahčyma prahnać. U vybudavanaj sistemie tatalnaha kantrolu, sistemie, u jakoj vielmi šmat resursaŭ dla taho, kab zabiaśpiečyć hety kantrol, u jakoj vystaŭlenyja ŭnutranyja procivahi, nie ŭ sensie demakratyi, a ŭ sensie bałansu pamiž kłanami i hrupami va ŭładzie dla taho, kab jany adno adnaho kantralavali i harantavali biaśpieku isnujučaha režymu, heta [adchileńnie ad ułady] ŭjaŭlajecca davoli małavierahodnym. Tamu jon adpaŭzie nazad i budzie treciravać i pryhniatać rasijski narod».
«Z adnaho boku, my ŭbačyli, na što sapraŭdy zdolnaja Rasija ŭ siłavym sensie, — kaža Maksim Trudalubaŭ, ahladalnik haziet «Viedomosti» i The New York Times. — A ź inšaha, Pucin damohsia ŭstanaŭleńnia jašče bolš ščylnaha kantrolu nad hramadstvam u samoj Rasii i ŭžo kančatkovaj, poŭnaj svajoj niepadkantrolnaści nikomu. Heta značyć, jon tolki pierad Boham adkazvaje ŭžo, bolš ni pierad kim».
Nakolki Biełaruś z Rasijaj u adnoj łodcy? Što čakaje našu krainu i Rasiju paśla zakančeńnia vajny?
«Bajusia, što my ŭ adnoj łodcy, — miarkuje Siarhiej Davidzis. — Bajusia, što pakul isnuje pucinski režym, jon nie daść upaści režymu Łukašenki i navat u najhoršaj situacyi resursaŭ u jaho chopić dla taho, kab Łukašenka moh płacić svaim siłavikam.
A pakul hety režym ź jaho jadziernaj zbrojaj, jaho vajskovaj mahutnaściu, navat asłableny vajnoj z Ukrainaj, dazvolić paźbiehnuć jakoha b tam ni było vonkavaha ŭmiašańnia ŭ Biełaruś, jakoje, kali b hetaha jadziernaha parasona nie było, viadoma, zdaryłasia b. Urešcie, takija masavyja parušeńni pravoŭ čałavieka ŭ Jeŭropie nieprymalnyja. Kali b nie pucinski režym, to susiednija krainy b umiašalisia i spynili b hetyja złačynstvy suprać čałaviečnaści, suprać normaŭ humanitarnaha prava, jakija rabilisia ŭ Biełarusi. Ale pakolki hety jadzierny parason jość, hetaha nie zdarycca.
U toj miery, u jakoj budzie stajać pucinski režym, u toj miery budzie stajać i režym Łukašenki».
Kali Łukašenku ŭdasca nie pasłać rehularnyja vojski va Ukrainu, to ŭ vyniku hipatetyčnaj mirnaj damovy Biełarusi budzie lahčej, ličyć ahladalnik NYT.
«Rasii budzie horš za ŭsich, heta vidavočna, — kaža Maksim Trudalubaŭ. — Ja liču, što z boku Zachadu jana budzie izalavanaja maksimalna, jak tolki heta mahčyma, nazaŭždy. Z boku Azii jana izalavanaja nie budzie. Ukraina zastaniecca častkaj Zachadu, i ja amal upeŭnieny, što budzie vialikaja prahrama adnaŭleńnia Ukrainy, paraŭnalnaja z płanam Maršała abo navat bolšaja.
Z tymi terytoryjami, jakija, mahčyma, zastanucca pad rasijskim kantrolem, taksama ŭsio budzie kiepska, tamu što Rasija nie budzie vydatkoŭvać hrošy i nie budzie ničoha adnaŭlać, heta my prosta viedajem z dośviedu».
Dźmitryj Navoša, biełaruski miedyjamieniedžar, suzasnavalnik chołdynha Tribuna Digital miarkuje, što ŭ vyniku parazy Rasii ŭ Biełarusi moža źjavicca šaniec na pieramieny.
«Zhortvańnie ataki Ukrainy z poŭnačy aznačaje, chutčej za ŭsio, niaŭdzieł biełaruskich vojskaŭ. My ŭ hetym miescy možam krychu vydychnuć. Heta stvaraje dadatkovyja pieradumovy da taho, što kali avantura Pucina pravalicca (ja absalutna ŭpeŭnieny, što jana pravalicca), u Biełarusi budzie inšaja rola. Rasiju buduć usim śvietam karać. U Biełarusi źjavicca mahčymaść, pry bolšaści nasielnictva, jakoje patrabuje pieramienaŭ, hetyja pieramieny pačać», — razvažaje Navoša.
Hladzicie bolš — u filmie:
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach14
Kamientary