Da vielikodnaha stała. Robim paschu: 4 recepty, jakija abaviazkova atrymajucca

Carskaja tvarožnaja pascha

• 500 hramaŭ tvarahu,
• 3-4 jaječnyja žaŭtki (abo 2-3 jajki),
• 200 hramaŭ śmiatany,
• 100 hramaŭ masła pakajovaj tempieratury,
• 100 hramaŭ cukru,
• čajnaja łyžka vanilnaha cukru abo vanilnaha ekstraktu,
• 80 hramaŭ razynak,
• 50 hramaŭ arechaŭ (pialostki mindalu abo drobny ačyščany mindal, funduk, kiešju i inš.).

1. Pramyjcie razynki, zalicie ich kipniem i pakińcie na 20 chvilin. Źlicie vadu i absušycie razynki na papiarovym ručniku.
2. Pratrycie tvaroh praź sita (možna dvojčy prapuścić jaho praź miasarubku abo pracierci błendaram).
3. Dadajcie da tvarahu žaŭtki (abo jajki), śmiatanu, cukar, vanilny cukar abo ekstrakt. Dobra pieramiašajcie. Dadajcie narezanaje kubikami masła i ŭźbivajcie sumieś miksieram, pakul masa nie stanie pyšnaj i adnastajnaj.
4. Pakładzicie masu ŭ kastrulu z toŭstymi ścienkami. Pastaŭcie na nievialiki ahoń i varycie masu, pastajanna jaje pamiešvajučy, da pieršych burbałak — to bok da zakipańnia.
5. Dadajcie ŭ masu razynki i arechi, pieramiašajcie.
6. Zaścialicie pasačnicu abo formu dla vypiečki marlaj, składzienaj u niekalki słajoŭ, i pakładzicie ŭ formu tvarožnuju masu. Nakryjcie vierch budučaj paschi krajami tkaniny i pastaŭcie jaje na noč pad hniotam u chaładzilnik (hniotam moža być banka abo kastrula z vadoj).
7. Ranicaj aściarožna dastańcie paschu z formy i ŭpryhožcie jaje pa žadańni.

Pascha z syram «Fiładelfija»

• 800 hramaŭ syru «Fiładelfija»,
• 15 jajek,
• 200 hramaŭ cukru,
• 100 hramaŭ mindalnych pialostkaŭ,
• 150 mililitraŭ viarškoŭ 36% tłustaści,
• vanil — na smak.

1. Pratrycie syr praź sita.
2. Uźbiejcie jajki z cukram (jak na biskvit), dadajom syr, trochi absmažanyja mindalnyja pialostki, viarški i vanil. Uźbiejcie masu da adnarodnaj kansistencyi.
3. Vykładzicie palietylenam formu z hłybokim dnom i pakładzicie tudy masu. Pastaŭcie formu na blachu z vadoj i vypiakajcie paschu ŭ duchoŭcy pry tempieratury 180-200 hradusaŭ na praciahu hadziny. Hatovaja pascha pavinna mieć śvietła-aranžavy koler i lohka adychodzić ad krajoŭ formy.
4. Kali pascha hatovaja, dastańcie jaje z duchoŭki i pakińcie ŭ formie, kab jana astyła.

Pascha z marmieładam

• 10 jajek,
• 800 mililitraŭ śmiatany,
• litr viarškoŭ nie mienš čym 30% tłustaści,
• 200 hramaŭ cukru,
• vanil, marmieład, razynki — na smak.

1. Źmiašajcie jajki sa śmiatanaj, dadajcie viarški i ŭsio dobra pieramiašajcie. Možna vykarystoŭvać miksier, kab atrymać adnarodnuju sumieś.
2. Pastaŭcie sumieś na ahoń i varycie, pieramieščajuvy ŭvieś čas, pakul nie adździelicca syrovatka.
3. Vykładzicie masu ŭ survetku i pamiaścicie jaje ŭ prachałodnaje miesca, pakul nie ściače syrovatka.
4. Pierakładzicie masu ŭ bluda, razatrycie jaje ŭ adnarodnuju masu, dadajcie cukar i vanil, pieramiašajcie i pakładzicie sumieś u pasačnicu (jaje baki treba zaścialić marlaj). Pastaŭcie pasačnicu na talerku, kab było kudy ściakać syrovatcy, i pamiaścicie budučuju paschu ŭ chaładzilnik na dva-try dni.
5. Niepasredna pierad sierviroŭkaj pieravaročvajem paschu na bluda, prybirajem tkaninu.

Šakaładnaja pascha

• 500 hramaŭ kisłamałočnaha syru,
• 100 hramaŭ śmiatany,
• 50 hramaŭ masła,
• 60 hramaŭ šakaładu,
• 50 hramaŭ cukrovaj pudry.

1. Pratrycie syr (śviežy, suchi, adnastajnaj kansistencyi) praź sita, dadajcie śmiatanu. Pieramiašajcie.
2. Narežcie raźmiakčanaje masła na nievialikija kavałki, dadajcie syrnuju masu, dobra pieramiašajcie.
3. Natrycie šakaład na drobnaj tarcy i źmiašajcie z cukrovaj pudraj. Dadajcie ŭ syrnuju masu, pieramiašajcie.
4. Abpyrskajcie vadoj pasačnicu, zaścialicie jaje marlaj tak, kab kancy marli źvisali, i vykładzicie ŭ pasačnicu syrnuju masu.
5. Nakryjcie masu kancami marli, pastaŭcie paschu pad hniot i pakińcie na 20 hadzin. Na hety čas pakińcie pasačnicu na talercy, kab było kudy ściakać syrovatcy.
6. Aściarožna dastańcie hatovuju paschu, prybiarycie marlu i vykładzicie paschu na bluda. Upryhožcie jaje marmieładam abo cukatami.

«Naša Niva» adnaŭlaje zbor danataŭ — padtrymać prosta

Čytajcie jašče:

Jak farbavać vielikodnyja jajki: vialiki hajd

Da vielikodnaha stała. Zapiečanaja naha jahniaci z prypravami — duchmianaja strava, jakuju prosta pryhatavać

Da vielikodnaha stała. Niamiecki paschalny chleb osterbrot — cikavaja alternatyva zvykłym piraham

• 1
• 0
• 0
• 0
• 0
• 1
• 0
• 0